Mazal ur yuli was asmi tekker nna Cabḥa deg wussu. Mebla laɛdez, terza ɣer temǧirit akken ad d-gger aman i wudem-is. Iɛeggalen-nniḍen n twacult mazal ttenneqlaben deg tesga. Yenɣaten wezɣal, ur uɣen ara tannumi. Nutni d-yekren deg temdint. Ur settfiqin la i weẓɣal la i usemmiḍ. Ussan-agi n imuṛas d-sɛeddan ɣer settensen fɣen-d deg-sen. Zgan fsin. Maca ulac d acu d-eqqaṛen neɣ ma ulac ad snuɣnin settnsen ḥemlen aṭas. Nna Cabḥa, ula d nettat, mači d izli i tḥemmel arraw n mmi-s. Mi teswa ayefki s lexfaf d-sebb iḍelli-nni, ad terfed taṣennajt-is talleq deg wefag lak d uqeṛṛac ad tṛuḥ ɣer tiɣilt ad d-ekkes tikeṛmusin. Abrid yezzi yenneḍ, ayerna d tasawent. Xas akken meqret, mac nna Cabḥa maza ur ulwan ara ifadden-is. Mi tebbeḍ ɣer wayla n wemɣaṛ-is, ad tsers iman-is cwiṭ ɣer leqqaɛa akken ad testaɛfu w’ad tebbuḥri. Akka tura mazal ur d-yuli yiṭij, maca akka axiṛ, ada tekfu ceɣl-is deg tasmuḍi. Lxuf ulac, tilawin ak fɣen-t-ed. Kra akken ad d-eksen-t lkermus, kra akken ad d-ksen-t aɣectu s wayes ara cerwen-t izenqan lak d ifergan, kra nniḍen ad sent-ṣleḍ mbaɛid mi ara ttɛeddayen-t d tirebbaɛ ɣer tala ad d-agmen-t. Nna Cabḥa texdem deg lqaɛa tiɛemmurin n tkermusin. Tura mi d-ekkes ayan ara tawi tṣennajt-is, teṭṭef afus n uɣectu d-hegga yuɣ lḥal akken ad sent-ekkes isennanen. Mi tekfa ad tent- ɛemmeṛ ɣer tsennajt-is. Abrid n tiɣilt ur yeshil ara ladɣa i wṣubbu. Ma ur tmuqleḍ ara akken iwata anda ara tserṣeḍ aḍaṛ-ik tzemṛeḍ ad d-awiḍ abrid s wegrireb alama d-k-id qeṛṛeɛ lewḍa. Mi d-ebbeḍ s axxam ad d-saki arrac akken ad d-eksen tibexsisin deg tneqlin yellan deg weqwiṛ uqbel ad iḥmu was. Mi d-eksen tibexsisin isemḍin ad d-ezzin s axxam. Mi yebda ṭezdec aɣenni, nna Cabḥaad tejmeɛ arraw n mmi-s wad temdel tawwurt. Ulac tufɣa alam d azizgu. Cɣel ulac aṭas, mi ttwacerwen igensan ad d-yeqqim kan uheggi n imekli. Mi yuɣal ɣef lkanun, nna Cabḥa tettqessir lac d igerdan. Illa melmi isen-d-ttak timsaraq, illa melmi d timseḍsay s wayes itentsedhuy. Mi yebba imekli, ad zzin i terbut. Mi kfan uči ad segrin tikermusin d tbexsisin uqbel. Mi yenṣef was, Nna Cabha ad d-sers tilemsirin ɣer leqaɛa ɣef ayeg ara mrirɣen alama d azizgu.
B. R.