Ass n ljemɛa yezrin tga-d Taddart n Zubga irebbi i tmeɣra d-heyyan iɛeggalen n Tisbeddit Tiregwa. Aṭas n wudmawen n yidles d-yerzan ass-nni ɣer taddart n tezdeg. Tameɣra-agi tell-ad i lmend n tririt n warrazen i widen d-yiufraren deg temzizelt “Arraz Blayd At Ali”. Dɣa, arraz amezwaru yuɣal i tullist “S ddaw n treccact” n Ḥusin Luni, arraz wis sin i Awal aneggaru” n Murad Ḥaǧ Saɛid, arraz wis krad itullist “Timeḥnuceḍt” n Moḥand Arab Ait Qasi. Am akken i ttunefkent Taggazin (bourses) i tlalta seg inelmaden n tesdawini n Bgayet, Tubiret d Tizi Wezzu. Tameddit n wass, yuɣal ubeṭaḥḍah n Zubga d annar i ccna alarmi qrib yumli wass. Ayen akk icudden lwelha d tezdeg n Zubga d wallaɣ n At Zybaga. A wi yufan ad yeṭeḍ ujejiḍ n Zubga tuddar n leqbayel !
