Ha-ten-in wawalen i d-yenna umeγnas n tmaziγt d tugdut, Ferḥat At Muḥend, deg Facebook, ass-nni aneggaru deg tudert-is, mi iruḥ yakan γer ṣbiter n Balwa di Tizi Uzzu. Yenna-d :’’wwḍeγ γer Balwa, deg la cure-nni-inu tis ṭam (tis-08) i wussan n 21/22/23 γuct 2014, steqsaγ γef Mass Professeur Ferḥat, nnan-iyi-d yella deg umiraw-is (…) Iwweḍ-iyi-d armi d taxxamt anda lli&gamma,; mugreγ-t γer tewwurt s wawal-agi :’’ansuf s Mass Professeur Ferḥat γer texxamt n Mass Amuḍin Ferḥat.’’ Iḍṣa-d, yenna :’’ tu as un bon moral…
Am wakken, di&gamma,; i d-yura di Facebook, γef umyurar Ebossé ass-nni n 24 γuct 2014. (Ferḥat At Muḥend yemmut ass n 25 γuct 2015) anda i asen-yeḥsen ttwab i twacult-is d wiyaḍ, yura-d :’’ yeğğa-ya&gamma,; maca yeğğa-yaγ-d (…), sureft-aγ seg yiri azuran a tawacult-is, a leḥbab-is, a Kamirun, tamurt-is, deg temgerṭ n mm-nwen Ebossé ad fell-as yejber Bab n yigenwan…
Ihi, ula d kečč a Ferḥat, teğğiḍ-a&gamma,; meεna teğğiḍ-aγ-d. D acu i aγ-d-teğğiḍ akka ? Temliḍ-aγ dakken ameγnas ur yessin iwumi qqaren layas : iseggasen iεeddan tennuγeḍ γef tmaziγt d tugdut, daxel n yimi n wuccen, mebla facal, xas ulamma ṭṭuqqten iεewwiqen. Iseggasen-agi ineggura, tqubleḍ lehlak-ik s tebγest n yizem d tirrugza n Uqbayli armi d ddqiqa-nni taneggarut. Tbeggneḍ-aγ s ttbut ayen i aγ-d-ğğan yimezyura-nneγ i d-yeqqaren dakken ‘’win iteddun γef tidet yessawaḍ’’.
Xas ulamma lmut qerriḥet, meεna tamettant-ik d tamsirt am temsirin-nni i tesselmadeḍ deg uγerbaz n Boukhalfa di Tizi Uzzu. Yal tajeğğigt zzin-as isennanen.
Ass-nni n temḍelt-ik, deg Wat Ṣellan di taddart-ik, tesdukleḍ akk imdanen : imeddukal n umennuγ di tsertit, iselmaden n tmaziγt n yal tama d wid akk i ak-yesnen kan akka. Meεna ayen yeṭṭfen lwelha, ass-nni, dakken ula d ixṣimen-ik n unnar n umennuγ ussan-d, quddren amecwar-ik, quddren amdan-nni i telliḍ. Rran-as tajmilt i urgaz i d-yefka udrar n nnif.
Ussan-d si Tunes, si tmurt n Yicawiyen, ussan-d ula si Kanada. Imḍebbren n tgejdidt ‘’Tiregwa’’ di Ottawa wwin-ak-d ula d asenğaq n Yimaziγen i wakken ad yili d azamul u d anagi γef wayen txedmeḍ i tmaziγt. Tesbureḍ-t γef usenduq-nni mi ak-newwi. D acu-ten tissas nnig waya-agi, ay ameddakel ?! Γef wanect-a, dγa, i d-yemmeslay Dr Rachid Ait Ali Oukaci, imḍebber n tsebeddit ‘’Tiregwa’’, yenna-d :’’ awal-iw ad yili seg uselmad n tmaziγt di Kanada γer uselmad n tmaziγt di tmurt n Leqbayel. Xas ulamma ur ssineγ ara Mass Ferḥat, meεna sneγ-t s leqdic-is d wayen yettaru di Facebook. Ihi, ass-a, nesbur-as asenğaq-agi n tmaziγt i wakken ad as-nini tuklaleḍ-t…’’
Mebεed tamettant n yiselmaden n tmaziγt, Nour, Ferhat Chelmouni, Ferhat Ait Med, Naima, d wiyaḍ, aṭas i yesstaqsayen gar ‘’les anciens’’, ass-nni n temḍelt :’’ anwa akka tura ay d nnuba-s ?’’
Tajbirt n Bab yigenwan i yimawlan-ik a Ferhat. (akken teqqareḍ)
‘’Mennaγ ad amneγ mebεed lmut…’’
Hocine.M