Yella-d, deg westidyu “Nova film” (n Djamel Ait Iftène) weslileg n “Troy», asaru n Wolfgang Petersen . Wagi d asali d-yefka unaẓur Rachid Tighilt deg uzeṭṭa n facebook.
Atan ihi, nettraju s ccuq ad nsel i Brad Pitt, Eric Bana, Orlando Bloom, Garrett Hedlund… ttmeslayen taqbaylit.
Gar wid yettekkan deg leqdic-agi : Karim Abranis (Ulis), Salem Usalas (Acil), Racid n Tiɣilt (Agamimnu akk d Priam), Zulixa (Ilin), Zira (Biziyis), Azal Belkadi (Ajaks), Arezki Rabia (Triyupas), Tariq (Paṭrukl – neɣ Paris), Akli Ait Salah (amnay amazan – neɣ Paṭrukl), Ferhat Tighilt (amazan amecṭuḥ).
“deffir n tmacinin” , yella Hacen Yousfi (directeur artistique), Massinissa Ait Iften (montage), Rachid Hamouda (post synchro), Rachid Tighilt (traducteur/adaptateur) d Hacen Ait Iften ( Ǧamal) (superviseur).
Wid d tid i yuɣ lḥal walan(t) Črek d “Da Spilu” ẓran ad d-iqidder sser di teqbaylit n “Troy”. Ih, yettekka Rachid Tighilt !!