«Yenna-as a baba wwten-aɣ , yerra-s a mmi ɛaqlen-aɣ ». Mačči d abrid mačči d ssin id yezzi wanzi –agi deg umslay gar medden mi ara d bedren liḥala deg nettidir seg assen n timunent n tmurt ɣer ass-a. S tawil n wanzi-agi, tteɛraḍen medden akken ad sersen aḍaḍ ɣef ljerḥ si ttwaḥuzan neɣ ɣef lbaṭel s wacu i ḥulfan . Mi isen-d zzin i lehmum id yersen fell-asen, sqerdcen-ten , mi kfan amajad ɣef yir liḥala deg llan ttafen d-akken ma yella nṭaren neɣ ttwawḍen tuzma tewwid kan a tuɣal fell-asen nutni( uqbel acengu) i yellin tawwurt i wakken lḥif aten-id isami. Aya yebɣa ad yinni belli lqum-agi ( Leqbayel) di lbeḍna n yiman-nsen zṛan ur ten-yerni ara uɛdaw, ur knin ara ddew leɛnaya-s, armi ɛamden nutni s timad-nsen akken ad ttwarnan.
Maca , anwa akka id-aɣ yewten ? Acu ɛaqlen deg-nneɣ akken i ṣawḍen ad aɣ-wwten ? Mi ara nsif s-uɣerbal ayen ddin n tizlatin, n isefra, n tullisin , n umelsay aserti id yewwin ɣef tadyant-agi (seg tazwara n isaggasen n 70 ɣer ass-a) mačči d-izli n wawal i yuzlen ddew ucruf n tmena. Leɛyub id aɣ-ikarfen banen. Ala win umu teqmec tiṭ i-iggumen ad iwali tidet amek id udem-is. Wama ɣer wid yettmeyizzen lhem-nneɣ yesɛa yiwen udem, yiwet n tansa : « ur nemyaḥmal ara baygar-nneɣ ! »
Ahat gar tizlatin id yesneɛten anect-a tizlit n Lounis Ait Menguellet « Ay aqabayli » d tizlit i wulmen dayen kan. Deg usefru-agi ɣeẓẓifen, yebda umedyaz awal s targit ( asirem) nettawi yid-nneɣ yal-ass : « timunent n tmurt ». Zun akken deg usaru( scenario) , tidmi n Lounis tewwi-aɣ ɣer tejmayɛit , anda id yenejmaɛe lɣaci( agdud/leqbayel). Sebba n unejmaɛ tilleli wuɣur teṣaweḍ tamurt. Lebɣi ( neɣ iswi) n unejmuɛ asebdded n uselway( aqaru/ imsewaq/ imdeber/) ɣef tmurt.
Yebda lejmaɛ , lqum yebda ameslay d umciwer ( udem n tugdut) ɣef umteddu n tmurt ( neɣ yeffeɣ dayen ubarani). Asteqsi iceɣben yal yiwenb : d- anwa i-ilaq neɣ i zemren a tt-yehkem tamurt . Amzun d-inigi ɣef wayen iḍerun amedyaz( Lounis) yesfehmed lḥir akked tewla n ugdud s yifyar-agi « kul yiwen akken la yehedder/ɣef tmurt tugi a teḥlu ». Yekcem di lbeḍna, yewwi-aɣ yides akken a nedlu ɣef acu n tirget n lḥir iraqen deg ixef n yal yiwen( seg widen yeneejmaɛen yakken
« Nettmeni nebɣa a nẓer
Limer yiwwas ad yeḍru
Abarani ad iwaxer
Tamurt akked-s a nedhu »