Ilmend n usmekti n wass n yiminnig d umuli wis 53 γef tmesbaniyin n 17 tuber 1961, anda id-ffγen deqs n Yizzayriyen di tmanaγt n tmurt n Fransa (Paris), suturen tilelli d yizarfan-nsen. Syen iγallen n laman i yellan seddaw laεnaya n Maurice Papan, nγan nnig n 200 imesbaniyen, neqren-ten γer wasif n « la seine », imi Fransa ur tummin-ara s ubaxix yeḍran ass-nni n 17 tuber 1961, ur umminen-ara s waḍu n tlelli id-issuḍen. 53 n yiseggasen id-yezzin γef tedyant-agi tamazrayt, izzayriyen anda ma llan gzin swayen i yeḍran i yeγriben-nnaγ. Γef aya deqs n tmesbaniyin id-yellan di yal timnaḍin n tmurt n Lzzayer d tmurt n Fransa.
Taγiwant n Yiεekkuren tella di tiεad, imi ass n 16 tuber, yella-d usemmi n yiwen n webraḥ n baylek id-yezgan s zdat n wexxam n tγiwant iεekkuren γef yisem n tedyanin « 17 tuber 1961 », s leḥdur n yemḍebren n tγiwant n Yiεekkuren, tawacult tagrewliwt ger-asen tudsa taγelnawt n yimjahden, tiddukla tafidiralit n tirni n uslelli aγelnaw n fransa, d tdukla n tarwa n Cuhada d waṭas niḍen. Iswi n tmesbanit-agi tamazrayt, d asfaḍ uγebbar γef umezruy n Lzzayer zeddigen.
Islam Bessaci