Naïma Rahmani tlul di taddart ‘’Ighil n Boukiassa’’, tettidir di Lezzayer tamaneγt. Seg wasmi tella meẓẓiyet i tessaram ad tecnu neγ ad turar di sinima xas akken lebγi am wa tettwali-t tmetti s yir tiṭ deg yiseggasen iεeddan. Xas akken d tayemmat s warraw-is, tessaweḍ ad tenğer abrid i yiman-is u ad d-tban deg unnar-agi n sinima : turar deg waṭas n yisura.
Nemlal-itt deg uxxam n yidles Mulud Mεemmri imi i d-iεedda usaru ‘’Tameγra’’ n Rabah Dichou anda i d-turar Fadma n Sumer, terra-aγ-d s lferḥ γef kra n yisteqsiyen.
Amek i d-tufiḍ iman-im deg unnar-agi n sinima ?
Naïma Ramdani : seg wasmi lliγ d tameẓẓyant, ḥemmleγ ccna akked sinima. Bγiγ ad urareγ di sinima u ad cnuγ xas akken ẓriγ mačči d ayen isehlen ladγa di tmetti-nneγ.
Amek teṣṣawḍeḍ tqenεeḍ imawlan-im i wakken ad kem-ğğen ad turareḍ ?
zik mi ara as-iniγ i yemma bγiγ ad cnuγ neγ ad urareγ di sinima, ad iyi-d-tini ‘’Lukan ad iẓer baba-m tebγiḍ aya, ad kem-ineγ’’. Dγa qqimeγ kan akken armi d asmi i yi-d-yenna yiwen ma tebγiḍ ad turareḍ deg usaru axaṭer tesεiḍ udem iwulmen i sinima. Di tazwara, nekk bγiγ ad cnu&gamma,; netta yenna-yi-d ad turareḍ. Meεna yeggra-d wugur-nni n yimawlan. Akken, akken armi d yiwen wass nniγ-as srid i baba d akken yella win i yi-d-yennan ad urareγ deg yiwen n usaru s teqbaylit. Yenna-yi-d : ‘’a yelli acu ara am-ini&gamma,; lukan am zik, d ṣṣaḥ ur nessin ara, ma d tura, ayen i am-iεeğben xdem-it, ayen i t-tḥemmleḍ, xdem-it. Ad kem-weṣṣiγ γef yiwet n lḥağa, εas iman-im, daya. Anda wwḍent wallen-im, ad awḍen iḍarren-im’’. Xas akken kukreγ di tazwara ula d atmaten-iw d yissetma, meεna qeblen ula d nutni. Yeqqul baba iteddu yid-i γer casting akked mi ara nebdu asaru.
Anda turareḍ akk ?
Urareγ deg usaru ‘’Gar zik d tura’’ n Hsen Ait Kaci, ‘’Imeslab’’ n Youcef Amrani, ‘’Tinifift’’, ‘’Awḥid mačči d nekk’’, ‘’Tameγra’’, publicité Dezzy, akked wiyaḍ…
Amek tga tmuγli n tmetti γef tid yetturaren di sinima
Nnekk, tawacult-iw tefreḥ yes-i, tebγa ayen xeddme&gamma,; teqbel ayen xeddmeγ. Akken llan meẓẓi meqqer, ttbaneγ-asen-d d iseγ. Ula d imdanen-nniḍen ulac ugur yid-sen, ala ayen yelhan i d-yekkan seg-sen.
Yella wacu tettheggayeḍ akka tura ?
La nettheggay sin les feuilletons, yiwen s teqbaylit, wayeḍ s taεrabt. Amek wakken ad d-suffγeγ nekk s timmad-iw kra n les documentaires. Aql-i di&gamma,; ad ssewjadeγ i usekles n yiwen n album n ccna.
Awal aneggaru.
Naïma Ramdani : tanemmirt-ik imi tqebleḍ tinnubga-nneγ tusiḍ-d twalaḍ asaru. Teγzi n leεmer i Uγmis n Yimaziγen.
Yesteqsa-tt Hocine.M