Ilmend n tmeγra n tεacurt, deqs n tmesbaniyin id-yellan di 04 n tγemmar n wakal n lwilaya n Tiziwezzu.
Dγa imezdaγ n taddert n Mensuṛa taγiwant n At-Zikki, llan di ttiεad, imi id-sudsen yiwet n tmecreṭ meqqren u s wazal-isass n 03 unbir 2014, ayagi yella-d s leḥdur n yimezdaγ n taddert n Mensura d tudrin niḍen , imḍebren n tγiwanin yemgaraden am At-zikki d Wizgan, d inebgawen niḍen id-yussan sya u sya.
Timecreṭ-agi yiwen n wansay ger wansayen leqbayel swayes ẓeṭṭen tagmatt d tddukli ger-asen. Γas εeddan acḥal n yiseggasen, imezdaγ n taddert n mensuṛa, mazal ṭṭfen deg laεwayed, imi heggan-d tamesbanit icuban timecreṭ id-warten γef lejdud-nsen imezwura, imi ayen id-ğğan lejdud d agerruj ur nettfaka, i wuẓẓu n cfawat deg allaγen n tsutiwin id-iteddun. Ansay-agi yelḥa-d ti tsuta γer tayeḍ, anda timecreṭ-agi xedmentt deg laεwacar akken ad-sfarḥen imaγban wa ad-sεedlen ger yemdanen, akken id-tettili d lfal yelhan swayes ttḍeggiren ayen n dir. Si tama niḍen, timecreṭ-agi tettili-d deg unebdu lawan n tmegra, akken daγen id-tettili lawan n ḥartadem naγ iwjiben, melmi id-yewweḍ lawan n tyarza, akken ad-temγi ṣaba. Timecreṭ-agi tella-d s tebzart d lewεadi n yimezdaγ n taddert Mensura swayes ṣawḍen uγen-d yiwen uεejmi i yemzlen di tmecreṭ-agi.Timecreṭ-agi d tagnit yelhan aṭas imezdaγ n taddert n Mansura imi temlal tasa d way turew.
Islam Bessaci