Zik, lɣerba teqher ulawen n wid yellan di tmurt lak d wid yerzan ɣer ynig. Ala kra n wawalen id d-yettawḍen ssin idisan deg tegnitt ɣer tayeḍ s lmend n tebratt deg watas n tikwal. Illa melmi, ma myagaren sin n taddart deg yiwen wemkan deg yinig, ttemsawadhen-d slam i wid yellan dagi. Deg watas n tikwal, ur d-qaren ara tidett, neɣ ur tt-id-tteglamen ara akken tella. Atas i yettfaren ayen ttidiren. Llan kra ttexnunusen deg lhif, maca ur d-eqqaren ara ayen ten-yettaɣen akken ur steɣbilen ara at wexxam. Llan kra sbedden ixxamen-nniḍen akken wḍen.Tabratt tella d ttawil ttragun yemdanen am wagur n lɛid. Iccer-nni n lkaghed yettarra-d acmumeh ɣer wudem n yemdanen umu tejreh lɣerba ulawen-nsen. Imdanen, zzik, ur ɣrin ara. Mi ara arun ne ɣad d-seɣren tabratt ad gren tiɣri i wid yeɣran akken ad sen-d-sfehmen timsal.
Di tmurt, d tilawin i yhulfan atas s lefraq-agi. Asentel-agi yegla-d, ama deg tmedyazt, ama di cna, s iḥulfan n ṣbeṛ d lxiq. Ger tlawin i yecnan ɣef yinig ad d-nebder nna Crifa, aɣerbaz n tezlitt taqbaylit, tala ur nettɣar. Nna Crifa terfed asefru d amwanes-is akken ad tecnu ɣef lehmala “Ay aẓerẓuṛ», ger tezlatin s wayes tettwassen. Tceyyeɛ afrux-agi akken ad s-d-yawi lexbaṛ n win tḥemmel.
“Ah ay aẓerẓuṛ
Tbeɛ-it ɣer lbabuṛ
In-as i wacu iyi-iɣuṛṛ
Ak yexdeɛ Ṛebbi a ṛṛay-iw
Mliɣ-as ul-iw
Yenna-d lxiṛ ɣer zdat”
Atas n tlawin, ladɣa, sufuɣen-t-ed s usefru tugdi-nsen-t, ihulfan, lak d wayen yak yettqerriɛen i yiḍes ad d-yers ɣef cfer. Deg snat n tezlatin-nniḍen nna Crifa ad d-sefru.
“Ay aɣṛib sɛu laɛqel
Nesla ijaḥ ṛṛay-ik
Lɣerba ur tettdummu ara
Asmi ara ɣlin wuglan-ik
yeǧa-iyi netta iṛuḥ ɣer l’Paris
Ma d nek ṛwiɣ lemḥani »
« Di lɣeṛba yeɛṛeq yisem-is
Ur neẓṛi d acu i t-ifnan
Yettu tamurt n lejdud d lwaldin i t-id-iṛebban
Teyyara i d-yusa deg yiḍ
Awi-iyi ɣer wusbiɣ n tiṭ
Ma d keč a xuya tṛuḥeḍ
I nek ɣer menhu iyi-d-eǧǧiḍ »
Fatiha K