Ass n letnin 12 di yennayre yufa-d lḥal isebtar n teqbaylit, i wumi tga La Dépêche de Kabylie irebbi, ssawḍen setta n yiseggasen di tudert-nsen. Lulen-d isebtar-a d-itefɣen tikkelt di ddurt (yal letnin), di yennayer 2959. Aya yella-d s lebɣi d “tɣennant” n yimḍebren n La Dépêche de Kabylie d ubegges n wid d tid i ibedden akken ad-aɣ-cebḥen yal ddurt “Aɣmis n yimaziɣen”. Ihi, amulli-agi wis setta d tagnit akken ad nini “amulli ameggaz!” wa ad nesnemer : Hamid, Akli, Dalila, Hocine, Malika, Zénia, Mokrane, Salim, Islam, Rachid (n Montréal). Ur ntettu ara daɣen wid d tid yelḥan yid-neɣ amecwaṛ, uqbel ad ten-cuden lecɣal nniḍen : Zira, Djamal, Drifa, Fatima, Smail. Ad nesnemmer daɣen, et surtout, timeɣriyin d yimeɣriyen-nneɣ i d aɣ-yettraǧun yal ddurt. Ad asen(t)-nini tanemmirt ɣef ufud i d aɣ-d-ttakem(t) d tebratin i d aɣ-d-ttaznem(t). Tanemmirt u afud i igerzen i yinelmaden d tenelmadin n tesdawiyin yixtaren isebtar n teqbaylit d asentel n leqdicat-nnsen. Yennayer merbuḥ ! Teɣzi n leɛmer i yisebtar-a ara yuɣalen yiwen wass d aɣmis s lekmal-is !
T.OA