Uγalen-d, daγen, wid-nni γer tid-nni-nsen. uγalen-d γer ‘’Σliha neḥya, εliya nmut’’, γer ‘’ Ddawla islamiya’’. Ma ur d-ddin ad d-ckunṭḍen,ma ur d-kcimen di tewwurt, ad d-εeddin si ṭṭaq. Awi-d kan ad d-afen sebba s wayes ara d-ffγen am yiberriqen. ‘’D acu i ak-yewwin ay amcum γer yisellufen n uydi, teẓriḍ ihemmej uqjun, teẓriḍ d acu ara ak-d-iheggi !’’
Ass-a, wid-nni i yenwan ad d-yekker usalas deg umagaraman, γelḍen di tmuγliwin-nsen. Tamsalt n rrebrab d tamsalt n ttelqim : ‘’imγi n ṣṣaba meεqul’’ i as-qqaren. Skud mazal ddin seqdacen-t i tsertit,mazal ussan n rrebrab ad iγzifen, mazal ‘’Les Charlies’’ ad mten u ‘’les Kouachis’’ ad uγalen d imeγrasen.
Ass-a, imḍebbren-nni i d-iheggan tikli di Lezzayer tamaneγt, ur d-ffiγen ara ad lḥun mgal ineγmasen n’’Charlie Hebdo’’, ffγen-d ad d-beggnen lγiḍ-nsen mgal tikli i d-yellan di Fransa. Lukan γef Charlie Hebdo, tili fγen-d acḥal-aya. Nutni ffγen-d i wakken ad d-inin : ‘’silence, on tue’’. Mi ara neqqen, ur ilaq ara yiwen ad ten-iεewweq. ‘’A mmi d tinna ad ak-wwte&gamma,; yerna ad ak-ggale&gamma,; ma tsuγeḍ ad cektiγ’’.
Ttuγaḍen kan yilmeẓyen-nni i ten-yeṭṭafaren : ‘’At wawal yezwar limin, d widak yeqqaren amin, s wayla-nsen werğin umnen.’’
Xas ulamma Fransa tella teggugem, ne&gamma,; ahat, tefka afus, asmi ttwanγan ugar n 110 d aneγmas di Lezzayer, meεna lmut dir-itt, dir-itt, ur tt-tettmenniḍ ula i uεdaw-ik i d-qqaren izemniyen.
Ayen yettuγaḍen γer yimdanen, ladγa ilmeẓyen yeγran d akken mačči d nutni i yettnadin ad γren i wakken ad fehmen d acu i d-yenna ddin, meεna d asemḥes i ssemḥasen i wid i asen-d-ifetun, wid-nni werğin ikecmen tawwurt n uγerbaz…Amek yiwen leεmer i t-yefka umnar n lakul, ad ak-d-yini amek ilaq ara teddu ddunit? Meεna ula d aγerbaz azzayri s lḥeqq-is !
Yeshel ad tamneḍ wala ad terẓeḍ aqerru-k ad tfehmeḍ. Ihi, umneγ nekk d ’’Yennayer’’. Aseggas ameggaz.
Hocine.M