Axxam n lbusṭa n tγiwant n Wizgan d win i yettidiren deg acḥal n yiseggasen-aya uggur meqqren, sebba n waman n uggefur id-ikečmen s waṭas di sqef-is, xarṣum deg tallit-agi n wedfel. D ayen i yeğğan axxam n lbusṭa yettwaγlaq ddurt(agi, imi ixeddamen ur zmiren-ara ad-xedmen di tegnatin-nni. Γef aya anemhal n « Algérie Télécom » n lwilaya n Tizi-Wezzu mass Yaḥyaoui, yerza-d γer tγiwant n Wizgan, anda id-isefqed γef waγbel-agi i yettidir wrxxam n lbusṭa n tγiwant n Wizgan deg acḥal iseggasen-aya, syen yemlal akked uselway n tγiwant-agi mass Mourad Bessaha, anda isqardcen aγbel-agi s telqay, anda itt-gezmen di rray d akken axxam n lbusta n tγiwant n Wizgan ad-yettwaγlaq almi yella-d uṣeggem-ines, u srabes n lbusṭa uγalen s lxedma s axxam n yedles Ferrat Remdan di laεḍil ad-kfun lexedma d useggem n sqef n lbusṭa-agi deg ussan id-iteddun, imi yuγ lḥal lxedma n usenfar-agi d win i yebdan s lxedma deg ussan yzrin. Γef tagara, imezdaγ n 04 n tγiwanin tesεa dayra n Wizgan, ger-asent Wizgan, At-Zikki, Illulen n umalu akked At-Yeğğar id-itteqsaden yal ass axxam-agi n lbusṭa, sarmen akken ad-γiwlen s lxedma d ureqqaε-is, i tifrat n wugguren d usenqes n taεkkemt fell-asen.
Islam Bessac
Aggni Filkan iεzel-itt Wedfel
Adfel id-yeγlin s tuget di ddurt-agi yezrin, d win id-yeglan s deqs n wugguren akked iγeblan, sebba n wargal n waṭas n yibardan n tudrin xarṣum tid id-yezgan γef yidurar εlayen n tmurt n lqbayel d tγaltin iεeddan 600 lmitrat. D yiwen n waγbel meqqren iwmi sḥasfen imzdaγ n taddert n Wegni Ifilkan di tγiwant n At-Zikki, imi imḍebren n tγiwant-agi ṣawḍen ldin merra ibardan n tudrin ala taddert-agi n Wegni Ifilkan, id-yezgan γef laεli n nnig 1400 lmitrat iwmi ur-ldin-ara abrid. Di tirza-nneγ γer temnaḍt At-Zikki, nemlal akked yimezdaγ n taddert Aggni Filkan id-yussan γer wexxam n tγiwant-nsen γef uḍar lḥan-d azal n 07 ikilumitren, ruḥend meẓẓi meqqar begnen-d lγiḍ-nsen s zdat n miḥyaf-agi xedmen yemḍebren n tγiwant n At-Zikki fell-asen. Mass BACHA Mohand Larbi i yettmeslayen s yisem n taddert n Weggni Ifilkan, yenna d akken aselway n tγiwant i yuggin s yimmad-is i unehar n tmacint i teksen adfel, tulya n webrid n taddert n weggni ifilkan annect-a yennat-id s zdat imazda&gamma,; dayen i yernan zzit i tmes, imi lεula tekkfa. Syen nemlal akked uselway n tγiwant n At-Zikkii mass Buεlam Musawi, yenna « …Nekkukra ineldi abrid n taddert Aggni Ifilkan, imi abrid yuεar aṭas i uεeddi, imi adfel yewwet azal n lmitra d wezgen, u yezmer ad-teḥṣel tmacint…. » Maca imezdaγ n taddert Aggni Ifilkan wekkden-aγ-d d akken yella-d tulya n webrid n taddert-nsen s tmacint-agi deg seggasen yezrin mebla kra n ukkukru. Dγa sḥasfen aṭas γef miḥyaf yellan, d ccḥani yellan mgal taddert-agi.
I.B