Ddurt-agi yezrin, tamedit n wass n 24 furar 2015, teḍra-d yiwet n twaγit γef 18:30 di tlemast n temdint n Yiεeẓẓugen, s zdat n tzeqa n leqdicat n temdint-agi, anda ittwenγan 02 n yelmeẓyen s rṣaṣ, wigi d Rafiq Bujemεa n taddert n Yiγil n wuzzal, taγiwant n Yiεeẓẓugen akked Mağid Lwenas n taddert n Tifrit n At-Lḥağ taγiwant n uqaru tamnaḍt n uzeffun. Ma yella d wis 03 d amejruḥ n taddert n Tarsatin taγiwant n Yiεeẓẓugen, wagi d Akli Bessah i iḥuzant snat n taṛṣaṣin deg uεebbuḍ, is-d-kksen di sbiṭaṛ Meγnem Lwenas n tγiwant n Yiεeẓẓugen, imazl yeẓẓel deg-s.
Imezdaγ n temnaḍt n yiεeẓẓugen d temnaḍin niḍen, sḥasfen aṭas γef tuγa icuban tigi, anda isuturen isaγ d laman i yemdanen.
Islam Bessaci