Iban d-akken tura, gar umeslay laked d tilawt; tilist muqret dayen kan. Ayagi yaɛna taneɣlaft n ttrebga i d-yenna-n, ɣas melmi kan, belli tamaziɣt « att-lemden deg 48 twilayin n t’murt nneɣ ». Ass-a, iban-d wagi d ttikerkas. Imi taneɣlaft n ttrebga tbeder-d timezizlin n-uxeddim yaɛna-n aselmed deg 3 yaḥricen n ttrebga: amezwaru, alemmas lakked tasenawit. Ayagi dayen yesefraḥen, imi neẓra belli iɣerbazen xuṣen-ten aṭaṣ n yiselmaden. Maca, ayen yaɛnan aselmed n tutlayt (ih tutlayt, neɣ amek?) n t’maziɣt ur yewwi ara aḥric yuklal iwakken ad ɣren warrac tutlayt n-imezwura nsen, yerna akken attesnefli. Dagi kan deg t’wilayt n Bgayet, ulac nnig n 15 imukan id d-tefka taneɣlaft n ttrebga i uselmed n t’maziɣt ! Ayagi ur yessefraḥ ara maḍi imezdaɣ n tama-agi, yagi isedawiyen (uniγersitaires) yesɛan « la licence » n t’maziɣt ! Wigi xedmen yiwen ubeddi (Sit-in) zdat n tanmehla n ttrebga n Bgayet, ass-nni n Arim (Mardi) akken ad begenen lɣiḍ nsen ɣef uɣbel-agi. Ttameḥuqranit yewten tutlayt-agi i yes yemeslay Masensen, agellid n yimaziɣen. 15 kan imukan i uselmed n t’maziɣt, mači d lɛib ? Ma yella d tutlayt taɛrabt, taneɣlaft tefka-d azal n 191 imukan i uselmed-is. Ayagi iban d-acu-t: d ttasertit n-uɛerreb ; la akkin, la akka ! Sya, adabu yeqqar-d: Tamaziɣt att-uɣal ttutlayt tunṣibt, syagi nniḍen, yugi ass-ifek allalen !! Aṭaṣ n yicenga n tutlayt akked yidles Amaziɣ i d-yeqqaren d-akken tamaziɣt « ur teṣiweḍ ara akken ad d-tuɣal d tutlayt tunṣibt, acku mazal-itt…meẓẓiyet » ! Ddin u qabac ! Tamaziɣt yesɛan luluf d luluf n yiseggasen, ass-a d « ttilemẓit »? Wigi bɣan waqil ad-nini kra n laɛǧeb ! Tasertit-agi n temḥuqranit i lmend n t’maziɣt iswi-ines d-asefcel n-uselmed n tutlayt-agi. Iseddawiyen « feclen » asmi ẓran belli llan kan 15 n yimukan i uselmed n t’maziɣt deg lwilaya n Bgayet yesɛan 52 n t’ɣiwanin !
Syphax Y.