Tagi cfawat n Boussad yiwen umezdaγ n Taddart n Tala Athmane. Ayen yexdem deg useggas-nni 1987, ur yeẓri ma yenddem fell-as neγ yezga-as-d d leṣlaḥ ? Acu as-yeḍran deg lweqt-nni ? Yenna-d :’’ lliγ uḍneγ. Kkes-d amek ur luwaγ ara ugiγ ad ḥluγ. Ihi weṣṣan-iyi ad awiγ asfel γer Sadat : ad awiγ ikerri γer Sidi Boubekeur. Kkreγ xedmeγ ayen-nni.’’
Yekker urgaz yewwi ikerri, tacekkart n uwren d xemsa n litrat n zzit n uzemmur. Akken kan yers deg umekkan, yewhem deg wayen iwala, ikemmel yenna-d : ‘’akken kan i d-slan i yikerri yesbabe&epsilon,; d tazla γur-s am yigerfiwen : wwin-t rnan ayen akken i wwiγ yid-s. Ula d nekk, yeṭṭef-iyi yiwen deg ufus-iw am yikerri-nni, yezzuγer-iyi d akessar. Γilleγ imi i yi-yewwi i wakken ad d-zreγ ameqqran-nsen ad iyi-d-yefk zyara d ddaεwa n lxir meεna yeḍra-d wayen γef wacu ur bniγ ara : yewwi-iyi γer yiwet n tsendduqt i wakken ad iyi-yezwin ula d lğiban-iw. Cfiγ rriγ γer daxel-is 100 idinaren, d lakaγeḍ-nni azegzaw, cfiγ am wass-a fell-as.’’ D ayen i t-id-yessenddekwalen γef wakken i d-yeḥka : ‘’din din, faqeγ belli nekk d ikerri am winna i d-wwiγ. Dγa, nniγ-as weḥd-i ‘’Ikerri yewwi-d ikerri i Sidi Boubekeur’’. Ma d tura ukiγ-d seg tnafa, abrid n leslak d lmasiḥ.’’
Hocine.M