Uggur n lexṣaṣ n waman n tisit d win id-yettuγalen yal tikkelt di deqs n temnaḍin n lwilaya n Tizi-Wezzu xarṣum di tsemhuyt (saison) n unebdu. Maca tikkelt-agi lexṣaṣ d win id-ibanen γef zik lḥal urεad lawan, seba n unebdu i ikecmen s lahmaq, rnu aheggan i iruḥen d aγurar. Γef aya imezdaγ n tadert Tizi n Wegni di tγiwant n Yiεekkuren begnen-d lγiḍ-nsen s zdat n waγbel-agi i ten-icewlen, imi nnig n 35 n wussan ur-sεin tiqit n waman deg yexxamen-nsen. Dayen iten-idegren akken ad-teqsaden tiliwa, laεwansar d lebyur d anadi γef tiqit n waman s wayes ara-ksen fad. Maca, ayen lexṣaṣ-agi yettuγal-d yal tikkelt, γas akken idurar leqbayel d iγbula n waman? Si tama niḍen, ayen abarağ n Taqsebt yesway timnaḍin n berra, ttewḥarmen imawlan-is deg-s? dagi is-yenna » Aγyul n Baba d Jeddi, rniγ rrekba n deffir ».
Islam Bessaci