Muḥemed Budiaf aselway yettwanɣan srid di tilizri ayen yeǧǧan amaḍal yegggugem d acu-tt txazabit ɣur tewweḍ tmurt n Lezzayer, yusa-d asirem i wid yellan ger iɣesmaren udabu amesbaṭli d rrebrab uṣiḍ agdud i kecmen di twaɣit ur yetiki deg-s.
Muḥemed Budiaf neɣ Si Ṭeyeb el waṭani isem agrawliw d ameɣnas deg umussu aɣelnaw deg ukabar n ugdud azzdayri PPA ardeqal MTLD armi id uwḍen ad s-lalen akabar ad yawin timunent imi semman FLN.
Win a yḍefren abrid n wargaz-a di telqay umezruy ad yaff d netta i d bab n tegrawla d netta id isawlen i tegmat n imdebren n MTLD ger imesaliyen yakk d iɛeggalen useqamu aɣelnaw, maca netta yumen s tdukli n warraw n Lezzayer imi beṭṭu ger-asen d lfayda n unekcum afransawi.
Budiaf d win a yesduklen arraw n tudsa tuffirt OS ɣef yiwen yiswi timunent n tmurt d ayen ara yilin ass n umenzu n wanbar 1954 imi yumen s tiggawt akk d wannar maca ardeqal tufɣa n Fransa tajmilt as yuɣalen d anekraf akk d neffu di tmurt-is tin ɣef isebel iman-is i wakken a tidir tilellit, Yenfa war lebɣi-s ɣer tmurt n Lmarruk anda i t-kemil ussan s temraɣ d wurrif, maca rruḥ n umeɣnas mazal-it deg-s mazal yumen s uzekka yelhan i wegdud azzdayri.
Xaz mḥan isem-is deg umezruy am akken yeffaɣ d amnafaq, armi d ass deg-i tamurt tekcem deg uxemmuǧ war tufɣa ddarz uɛsekri d win usarti la yeqqaz deg iɣisi yettihririwen ger uɣarfan d tmurt-is, ma d imdebren n wakud-nni ilaq ad afen argaz illaw win yuyren tamurt-is s tidet dɣa uɣalen armi d warraw n tuddsa tuffirt OS am Husin at Ahmed d watas n igrawliwen imi zran nutni d acu swan ur zmiren-ara i tifrat ur llin d uɣdimen neɣ d imagdayen, Teffaɣ Fransa uɣalen-d nutni agdud yuɣal iɣunzaten d ayen i t-yeǧǧan di tefranin 1990 akk d 1991 ad fek ssut-is i ukabar n FIS iswi-is yebɣa ad yarr ttar acku akabar n FLN yaxdem l batel abarkan deg uɣref azzdayri. Ihi walan ,nudan tifrat uffan-tt ɣar uṣaḍ n tegrawla 1954 bab n wanber Muḥemed Budiaf, sawel-as n nnan tamurt yewwi-tt ssix ala kečč i zemren ad yarr tawaɣit-a ɣef tewwurt, yerra-d i tiɣri n wul ikecem-d mugren-t ɣar usaffag s tgella d yiɣi arnan-as iḍebalen ɣilen wwin-d izem i teqnaṭ maca yufa-d azzdayri yaɣraq deg ilel n lbatel udabu d tlafsa n usiden n rrebrab.
Agrawliw d agrawliw d awezɣi ad bedel ,mazal ur isehma akarsi n tselwayt yebda i farres annar, yebɣa talwit ad uɣal ɣef idaren-is yebɣa yebɣa ajeǧǧiḍ n tukarḍa ad i ruḥ seg izuraran-is kra n win yukren tadrimt n wegdud ad i magar taɣdemt, yebɣa Lezzayer ad uɣal i warraw-is arnu ayen s-nnan di Lmarruk d wayen id yufa da yemgarad nezzah am igenni d lqaɛa, tura s tidet ifhem atan tmurt anda yella…
umi ur ɣelqen-t wallen fahmen ula d nutni, tiririt-nsen rran-as-tt di Ɛennaba agdud yettwali srid di tilizri.
Maɛtub Lwennas yerra tajmilt i umaɣras ɣef Lezzayer uzekka
Dahmani Bilal