Ɛemmi Lḥaǧ : anwa aggur deg-i nella ?
Bab n tḥanut : aql-aɣ deg waggur n rreḥma
Ɛemmi Lḥaǧ : acḥal i lleft-agi ?
Bab n tḥanut : 100 idinaren
Ɛemmi Lḥaǧ : 100 idinaren ! zik-nni, asaru n diri neqqar-as lleft, ihi ilaq ass-a asen-beddel isem. I lqares-nni acḥal yeswa ?
Bab n tḥanut : 150 idinaren
Ɛemmi Lḥaǧ :150 idinaren ! ad tafed ihi, yettmeslay lqares-agi-inek ? ffek-iyi-d di laɛnay-ak yiwet n tqarest ad tt-ṭṭfeɣ kan cwiṭ deg ufus-iw.
Yessers-itt s lemḥadra s afus-is am twizet, yebda yesslufuy-as, dɣa yebda ihedder-as:
-Acḥal aɛzizeḍ a taqarest maca yewweḍ-d lweqt ad nemfaraq. Suref-iyi, nekk surfeɣ-am. Axen taqarest-ik, tannemirt s tusda.
Bab n tḥanut : ulac uɣilif a Ɛemmi Lḥaǧ.
Iteddu Ɛemmi Lḥaǧ deg ubrid, yettxemmim weḥd-es : “Nniɣ-as anwa aggur ideg-i nella, yenna-yi-d deg waggur n rreḥma. Cukkteɣ yeɣleḍ. Ad steqsiɣ amdan nniḍen. Ih, ammer ɣriɣ ur t-ṭṭerru yid-i akka !ula d agguren ur ten-ssineɣ ara.”
Dɣa yesteqsa yiwen n wemdan :
-Mass !di laɛnay-ak ini-yi-d, anwa aggur ideg-i nella ?
Amdan-nni : Awi-d 50 idinaren ad k-in iniɣ ! «il n’ y a rien pour rien, akka i ak-nnan Irumyen, yerna ula d nekk bɣiɣ ad aɣeɣ taqarest.
Ɛemmi Lḥaǧ : axen 50 idinaren.
Amdan-nni : aggur-agi qqaren-as akk medden aggur n rreḥma, ama d isertiyen, ama d ineɣmasen…
Ɛemmi Lḥaǧ : saḥit a mmi, nekkni zik mačči akka. Wissen ma d zman i ibeddlen neɣ ahat d awalen i ibeddlen anamek.
Ha-t-aya yiwen n Lqari yewwi-d yid-s asegzawal. Yessteqsat Ɛemmi Lḥaǧ, yenna-as :
-Di laɛnaya-k a Mass, kečč iban fell-ak teɣriḍ, d acu i d anamek n wawal «rreḥma».
Lqari-nni : Rreḥma d isem n yiwet n tǧaret-iw.
Ɛemmi Lḥaǧ : suref-iyi, bɣiɣ ak-iniɣ aggur n rreḥma.
Yeddem-d lqari-nni asegzawal-nni gar ifassen-is, yesferfuc deg yisebtaren-is, alarmi d yemlal ɣef wayen yettnadi, yenna-as :
-Ha-t-aya «aggur n rreḥma» d aggur n lxir, n tdukli, n tegmat, n leḥnana akked smaḥ…
Ɛemmi Lḥaǧ : dayen a mmi fehmeɣ, tannemirt s tussda, ziɣ ur kcimeɣ ara ɛemrayen, d zman kan i ibeddlen mačči
Ḥemmar Bussaɛd