Ddurt-a, lemdeɣ sin n wawalen ijdiden : “ineslem», “lǧameɛ” . D dadda Lḥusin i wumi sliɣ yettmeslay d baba ɣef waya. Ih, yerza-d ar ɣur-neɣ seg Tala Amara. “L’ancien», akka s-yessawal baba i dda Lhusin. Nek j’ai pensé sin yismawen i yesɛa.
– Akka i nessawal i wid yeddren ussan-nni, i d iyi-d-yenna baba
-Anwi ussan ?
– Ad tuɣleḍ ad tezreḍ !
Akka dima i d iyi-d-yettara baba, mara s-d-banen isteqsiyen-iw kumblikin.
Lḥasun, dda Lḥusin yettmeslay ɣef lǧameɛ n yimaziɣen. Imaziɣen zriɣ d acu-ten, ma d lǧameɛ ur t-sineɣ ara.
alors, steqsaɣ dda Lḥsin :
– D acu i d lǧameɛ a dda Lḥusin ?
– D axxam i deg tẓalan
– Anwi wigi ?
– Inselmen.
– D acu-ten wigi ?
-Euh… wigi d imdanen yettamnen s Sidi Rebbi akked d nnbi.
– Am yaya ?
– Akka am yaya-k !
– Mais, yaya ur tettruḥ ara s axxam-agi akekn ad teẓal.
– Tetẓala deg uxxam-is, kif kif
– I lǧameɛ-agi acimi teqqareḍ n yimaziɣen?
-Axaṭar, yemxallaf ɣef win n waɛraben
– Safik unselmen ɛraben mmxalafen ɣef inselmen imaziɣen !!
-Euh…
– I nek a dda Lḥudin d ineslem neɣ ala ?
– D’abord keč d amaziɣ.
– Wagi zriɣ-t !
– Ma d ineslem ? Mazal waqila ur iban ara
-Lḥasun, ur tẓlaɣ ara, ur fhimeɣ ara tamsalt-agi n Nnbi d Sidi Rebbi i ɣef tezga tehedder yaya. Donc akka tura, nekk mačči d ineslem. Maɛna asmi ara nernin les neurones-inu zemreɣ ad t-uɣaleɣ, yerna ma yehwa-iyi ?
-Yezmer lḥal !
– ihi, nek d amaziɣ mebla lɣerḍ-iw, d ineslem ma yehwai ?
– Très bien ! Akka presque i t-id-yenna dadda-k Lwennas
-Anwa-t wagi?
-Ad tuɣaleḍ ad t-tisineḍ
SOA
t.ouldamar@yahoo.fr