Tuɣalin ɣer uɣerbaz i yinelmaden lakked yiselmaden ad d-tili ass n ačer 6 deg Cutember id itteddu-n. Ɣas akka, mazal kra n wussan kan i unekcum ɣer iɣerbazen, tiwaculin, yagi inelmaden, bdan aheggi, ama d-ayen yaɛnan iselsa neɣ isufar n leqraya. Deg tama n Ṣummam, « rriḥa » n-uɣerbaz tebda tettriḥi deg berdan. Timedlisin (Les librairies) bdan-t akkeni aheggi n yisufar n leqraya akken ad qablen-t imectariyen ar ad yilin s waṭaṣ ussan imezwura n tuɣalin ɣer iɣerbazen. D-acu kan, ɣef akken i neẓra deg t’medlisin, isufar n leqraya zad-ent cwiya ssumat nsen. Ama d tizmamin (Les cahiers), iqraben (Les cartables), idlisen, akked wiyaḍ…Tiwaculin, zran-t d-acu iten-t yettraǧu-n deg tallit-agi. Ẓran-t daɣen, ssumat n yisufar rnan-t kra. Ɣef ayagi, ttaṭafen-t iɛebbaḍ nsen-t, acku aṭaṣ n tedrimt ad d-tessufɣen-t deg unekcum-agi ɣer yiɣarbazen. Akka, tifamilin-agi i d-yefɣen « ttureycen-t » deg waggur n Remḍan d lɛid amectuḥ yezrin, mazal ad « ttureycen-t », sya ɣer kra n wussan, deg unekcum ɣer yiɣerbazen! Dayenni, ur zmiren-t ara…! Leɣla n yisufar n wučči rnu wid n leqraya, ahat-ent tiwaculin ɣer da, ttwaṭṭefen-t deg ugerǧum ! Aḥellil ! Win yesɛan deg wexxam-is nnig n 3 warraw ad iɛewweq amek ar ay-ixdem yidsen akken aten-isseč, aten-issels asen d-yaɣ isufar n lakul ! Ɣas akken tella « lmuɛawana » n ddula, tinna n 3000 idinaren i uqerru, maca ur d-keffu ara. Daɣen, imḍebren ttɛeṭṭilen akken aten-t ferqen ɣef twaculin yeḥwaǧen! Tallit-agi ideg i nella tuɛar i twaculin, yagi imi yuder lbiṭrul s waṭaṣ, acku tamurt nneɣ yes i tettidir ! Ass mi ar ad kecmen warrac ɣer yiɣerbazen, kra n snat smanat kan ad d-tyaweḍ lɛid amuqran. Dagi daɣen tiwaculin ttuḥetmen-t, i tikkelt nniḍen, ad gren-t ifassen ɣer leǧyub nsen-t « yeflan », akken ad ǧebden-t kra n tedrimt id asen-t id yeqqimen bacakken ad d-taɣen-t ikerri n lɛid, ma yella zemren-t-as, neɣ mulac kra n lkiluwat buksum akken ad ɛeyden-t! Akka ihi, uɣalen wussan ṣaɛben aṭaṣ i twaculin deg tama-agi n Ṣummam, neƔ akk di t’murt s-umata. Ussan n tmerkantit kfan ay at laɛrad, yugrad kan aden-aɣ ibugas akken an ẓeyyar ɣef iɛebbaḍ nneɣ yaxwan. Aḥellil, aḥellil !
Syphax Y.