Iwakken keffu n umecwar asdawan n yinelmaden n tmura tiberraniyin am: Mali Zimbabwu Lkamrun ɣana Burkina fasu ….ur yettɛeddi ara kan akka am wakken nuɣ tannumi, tiddukkla n yinelmaden-agi n tesdawit n tizi wezzu CEETO i ɣef yella mass Nelson d aselway thegga-d s lemɛawna n tenmehla n tesdawit ass n ssebt 24 di tuber tadwilt tamenzut n tukci n yigerdasen i yinelmaden yessawden ar taggara n umecwar nsen asdawan ama d wid n LMD neɣ d wid n MASTER. D tamaɣra i d-yellan di ḥesnawa kter n wezgen n wass s leḥdur n ddeqs n yinelmaden d waṭas n wudmawen am yinemhalen n tezdayin n tizi-wezzu d yimmetlen n kra n tmura tiberraniyin. Am wakken tameɣra-a tella-d d asnemmer ,d tajmilt i yinelmaden-a, tfekka daɣen tagnit i wid i d-yusan ad slen i yiwen n usarag alqayan sɣur Racid Ameqqran u ad walin asenɛet n ccdeḥ d ccna n tmurt n Zimbabwi i wakken ad tili tamlilit d unbeddal n yidles-nsen d win n tmurt-nneɣ.Iɛeggalen n CEETO yekkaten acḥal-aya ɣef yizerfan n yinelmaden-a rran tajmilt tameqrant i tesdawit n tizi wezzu i asen-d-yellin tiwwura ad kemmlen amecwar-nsen n ulmud asdawan u nnan-d ; tamaɣra-agi d tadwilt tamenzut u ssaramen yal aseggas ad tettili imi d tagnit i wakken anelmad aberrani ad as-tuɣal tajmilt di tmurt-nneɣ.
Dali s