Amusnaw, azamul n usnulfu deg tẓuri, akka i as-qqaren i umedyaz! Wis kan amedyaz aqbayli n wass-a ma d tagi i d tamuɣli n medden ɣur-s? Tura war ma neclex tamuɣli-nneɣ ɣer yimedyazen -nni imeqqranen yettwasnen s ccna, ad tt-nerr kan ɣer imedyazen-a n tfaskiwin n temdyazt i iṭuqqten asa-a! Tidet kan, yerḥa-yi ad nadiɣ ɣef wayen d-wwint tfaskiwin-a i umedyaz aqbayli ass-a. Yiwen yenna-d: D timlilit, d tagnit i umedyaz ad d-iɣer isefra-s maca d timlilit anda yettaf iman-is yeqqar-d isefra-s i yimdukal-is kan. Wayed: Timlilit yerran asefru aqbayli d asefru n tfaska lmaɛna n wawal d win n waraz d ayla n wiyaḍ dɣa nettɣili yesnulfa-d. Ma d yiwen-nniḍen s nnehta yenna-d: Kkiɣ deg waṭas n tfaskiwin, wwiɣ aṭas n warazen, ulac d acu id-yennulfan. Ma d amdakel-iw yeḥbes akk tikkin imi werjin yewwi araz. Ma ur skadbeɣ ara, yeḥbes ula d tira. Lḥasun ṭuqqtent tmuɣliwin, armi i as-sliɣ i yiwen: Wa yettruḥu akken ad d-yessisen wayeḍ akken seg-sen ad d-yeddem, yiwen am nekk akken ad d-yendem! Mi testaqsaɣ acimi? Yenna-d: Qqersen wigi yesmedyizen s teqbaylit, qqarsen! Ha-tt-an tusa-d tfaska, teqqim kra n wussan, ufraren-d 3 n yimedyazen gar-asen, tekkfa tfaska, yella wacu id-yennulfan?
Salima.D