Tamnadt leqsar d yiwet si temnaḍin leqbayel i d-yezgan di tubiret , d yiwet n temnadt tettwasen s uzemmur anda imezdaɣ n tama-agi tuget deg-sen sɛan azemmur am wakken tettwasen s tfellaḥt , ɣef waya tiwaculin n leqsar bdan acraw uzemmur ussan-agi iɛeddan imi ṭṭaqa n twaculin fɣent ɣer uḥriq uzemmur ɣas akka yella usemmiḍ d ugris dacu ayagi nnument ɛlaḥsab nsent wekkdent akken acraw uzemmur d yiwen seg ansayen yettwasnen i mazal ṭṭfen deg-s yimezdaɣ n tama-agi , Nnan-d akken ttrajun lawan uzemmur am waggur n lɛid imi d tagnit anda ttemlilen akk iɛeggalen n twacut ttezind akk ɣef lqaɛ d yicagwen n tzemmurt am zun d tabaqit n seksu i wumi dezzin , Si tama nniḍen ayen id-yufraren di lawan uzemmur ɛlaḥsab kra n temɣaren ula d rrac imecṭah hemlaen tallit uzemmur ladɣa ussan n yimuras imi ttafend iman nsen ttezin di lqaɛn tzemrin leqḍen ula d nutni iɛeqqayen yeɣlin yerna ttaken afus lemɛawna seqdacen-ten mi ara ḥwaǧen taɣawsa , Am wakken id aɣ-d wekked yiwet n temɣart tennad ɣas akka nettefɣ-d s azemmur tikwal nettaf d asemmiḍ ur nettuɣal ara ɣer yixxamen nettruḥu mi neweḍ s amkan anda ara necrew ad nejmaɛ isɣaren d yiceɛwawen ad nceɛel timest ad neseḥmu cwiya umbaɛd ad nɛeddi ɣer ucraw uzemmur s yin akkin almi d lawan imekli ad ḥebsen ad ččen imekli ad steɛfun dacu kan lmekla id-ttawin imi tettwaḥsab si lemwaken n wansayen d aɣrum n temẓin d zit akked yiḥbuben d ttmar i s wayes ara ččen , Si tama nniḍen nsteqsa yiwet n temɣart ( xalti ḥedda ) ɣef lmakla -agi ma yella ayagi tufam ɣur wat zik neɣ ami ttura kan tenna-d belli ayagi nufat-d si zik si lejdud-nneɣ , ihi yesefk fell-aɣ ad neṭṭef di leɛwayed d wansayen id-ǧǧan lejdud , am wakken nesteqsa xalti ḥedda ɣef uzemmur aseggas-a di tama -agi ma yurrew neɣ ixus tenna-d belli asegga-s ixus mliḥ ma yella nmuqqel ɣer yiseggasen iɛeddan ad d-naf asegga-agi ur yurriw ara mliḥ yerra llant kra n tzemrin ur sɛint ara ula d aɛeqqa , Ma yella d tizemrin nniḍen am tid yurwen cwiya anaf aɛeqqa- nes d arqqaqan acku txus lehwa iseggasen-agi ineggura s waṭas yerra llan wid ur ixeddmen ara tizemratin nsen ur ten-tfersen ara , Tenna-d daɣen azemmur di temnadt-agi yuɣal deg iseggasen-a ineggura yal aseggas amek ara yili imi aseggas ad yarew mliḥ ma d aseggas nniḍen yettxasa meḥsub aseggas ad tilli lɣella ma d aseggas nniḍen ulac , ayen yerran lwelha -nneɣ deg unadi –agi nneɣ ad d-naf akken tamnadt-agi tesɛa azemmur ula d tisyar uzemmur llant s waṭas dacu ɣas akken bdan xeddment maci acḥal-ayagi yerra yal yiwet seg-sent sɛant tirac uzemmur ṭṭaqa seg-sent ččurent d tirac uzemmur , Si tama nniḍen anaf ula deg iberdan ilmeẓyen s teckarin uzemmur imi ttaɣen ttɛawaden-as lbiɛ s ssuma 60 -70 idinaren i kilu ttawint ɣer temnaḍin ur yesɛin ara azemmur ttnuzunt s ssuma 150 idinaren alami d 200 idinaren i kilu dayen yettuɣalen s lfayda tameqqrant i yilmeẓyen , am wakken id aɣ-d wekkdent kra n twaculin mi ara d -zḍen zit xedmen tiɣrifin s zit ajdid daɣen dehnen i warrac id-ilulen imiren i wid ur yesiwḍen ara aseggas di lɛemr-is , ɣef wannect ad d-naf di temnadt-agi sexddamen zit uzemmur s waṭas deg useggi nsen meḥsub d yiwen usafer agejdan .
Abdelhak Menas