Četkayen imezdaɣ n temnadt tiza i yetabaɛen ɣer tɣiwant n at racced deg usammar lwilaya n tubiret seg lexsas n wallalen tudert imi ttidirin di tegnatin qessiḥen dayen ur iqebbel ara leɛqel acku ulac ayen ara ten- yeǧǧen ad idiren tameddurt nsen akken iwata ḥaca seg iɣublan d wuguren i yettnernin yal ass ɣef yizugar nsen , ɣef waya ad d-naf gar iɣublan iten-icuɣben iberdan yettawin ɣer temnadt-agi ansi id asen-d ussin reglen imi xesren akk d idɣaɣen d yixujḍan meḥsub ur tezmired ara akk ad d-ɛeddid seg yiberdan-a ladɣa deg ussan n cetwa ciṭ ugeffur kan iberdan akk ad uɣalen d ixujḍan d iḥemmalen n waman imi reglen s waṭas di tegrest ulac win id -yettekan seg ubrid ama d tikeṛusin neɣ d imezdaɣ ɣef uḍar , am wakken ad d-naf daɣen seg yiɣublan lexsas n wallalen usiweḍ ladɣa inelmaden ttafen uguren iwakken ad ruḥen s iɣirbazen anda qqaren ama deg at racced neɣ tasnawit leqsar ,ɣef wannect-a ttafend iman nsen gar iɛewwiqen d imeqqranen di leqraya rnu ɣur -s ilmeẓyen n tama-agi ur sɛin ara anda ara sɛeddin lweqt nsen imi ɣabent tzeɣwa n waddal yemgaraden akk -d wannar n dabax yerra di tallit anda ulac axeddim i yiɣaben ɣef yilmeẓyen yerna llan waṭas id -iɛeddan di tseddawit , Si tama nniḍen četkayen imezdaɣ si leɣyab n trisiti iberdan iten-yeǧǧan ur ttefɣen ara deg iḍ imi id yeɣli lxuf fell-asen acku taddart tettwaɛzel dacu kan uguren d yiɣublan ur ḥbisen ara kan d agi imi mazal anda daɣen ar ass-a d wussan werɛad yewwiḍ usenfar n lgaz ɣer tama-a imi mazal rwan lmerta ɣef unadi tqerɛet n lgaz ma d-afen neɣ ala acku d asafar agejdan iseqdacen s waṭas ladɣa di lawan-agi n usemmiḍ , ɣef waya nezmar ad d-nini akken imezdaɣ ttidiren ḥaca seg uɣbel ɣer wayeḍ ɣas akka aqlaɣ di 2016 ameɛna mazal-iten tensa tafat ɣef twaculin-agi i yerwan leɛtab d lmerta iten-yeṭṭafaren di tmeddurt nsen dayen yeǧǧan imezdaɣ ttuɣun četkayen i yimḍebren akken ad- yiḥnin wul nsen ad d-rren tamuɣli ɣer tama-agi s yisenfaren unegmu i ttrajun acḥal iseggasen-aya xersum ad tifsis teɛkumt d yiɣublan iten-ixenqen .
Abdelhak Menas