Tarbaεt umezgun «talwit»d tin yellan deg tɣiwant Ukeffadu taddart n tewrirt , deg useggas 1997 i tebda tetturar, seg yimiren ɣer useggas 2013 tekki di tdukla , syin teffeɣ iman-is anda gan tiggezt i wid iran , neɣ wid iḥemmlen tamellaɣt, ɣef uqerru-is mass «Sadek Hannat «d yiwen umedyaz, d amaru, dɣa yessewjad yiwen udlis anda ara yili ugbur anesbaɣur d tazrart n tceqqufin umezgun d wammud isefra, deg useggas 2012 yewwi arraz amezwaru deg Ukeffadu deg temzizelt n tmedyazt , yuget umaynut yesεa. Taɣda tewwi-tt-id «talwit»deg umeccwar n sinima , isental i ɣef ttawin d asdig yugten d idles, ansay, timetti, tawennaḍt ,izerfan n tmeṭṭut…. imeltaɣen yellan azal n mraw semmus (15) yid-sen gar-asen Faysel hannat d win id-yuraren deg usaru «Amɣar amcum» akk d wiyaḍ , win i d asen-id-yattawin asayes d Ccix Yidir d anaẓur yekcem di tẓuri tamatut «taklut, tasreɣta, unuɣen, tamedyazt, aẓawan dɣa ussan-a ad lin tazeqqa n uẓawan deg Ukeffadu d netta i d aselmad.Kkin deg waṭas n yirmad idelsanen,tifaskiwin deg uswir n tɣiwant neɣ di twilayt , anda llan deg wahil n tfaska di tifra ,itri n uqbu, Bgayet di tesdawit , di Tizi Wezzu di temnaḍt Ilula…..gnan yal amḍiq s tceqqufin-nsen id-yettaran iziɣer d tumert i wul , id-yessakayin imdanen, llan deg temzizelt di tama n Cemmini wwin-s azwil gar mraw yiwen (11 imenza d acu yella wugur deg ufraq n warrazen acku s tmussni imi talwit s wul, s yiseɣ , s yidles id-segdalen iman-sen. Isenfaren ugar n sdis (6) sya ɣer dzat , anda kecmen deg umahil asadar , gren-d abergges anda it-yeṭṭef yeṭṭef unaẓur «Billal idir» win ixedmen tesreɣta unuɣen, sewjaden amazrar n tmellaɣt ɣezzifen anda deg-s aṭas n yiḥricen , tafarest ad tili s tuget.Talwit d agraw n tẓuri , yal wa d acu yeṭṭef wa d tira , wa d aserkeb d usali, wa d abergges…..
Tarbaεt n «talwit» d amaynut i tẓuri , d aɣbalu, d ameɣlid, d taɣersawt, d idles .
Azedine Abdous