Ass n sem 04 deg meɣres 2016 yella-d usmekti n umedyaz ameqqran yettwasnen s Muḥmed At Ṭahar qqaren-as Benḥanafi , ilul ass n 07 deg furar deg useggas n 1927 deg taddart n Sidi Ʃatman deg tɣn wat wasif n Tizi Wezzu .
Seg wasmi yella d amecṭuḥ iruḥen yimawlan-is ad zedɣen deg Tiyaret , yexdem deg tegrawla n tmurt-nneɣ akken tebda , yeṭṭef adeg-ik iḥureb aɛdaw aṛumi ssawalen-as lkumisaṛ aserti ( commissaire politique) , d argaz aserti d ameɣras n tmurt Lzzayer , iḥemmel tamurt-is iḥemmel idles , ḥemmlent akk medden , yexdem aṭ deg umaṭṭaf wis sin , yeqdec seg wul-is imi lawan-nni ala amaṭṭaf wis sin i yellan mačči am tura tella l’internet , tiliẓri ; yeqdec deg tedwilin –agi : tibḥirin, ijeğğigen , aman isemmaḍen , nuba-nwen ay ilmeẓyen , tudrin n leqbayel, icennayen n uzekka, nuba n yimğuhad, ɣef yiri n lkanun, d tagi i d tadwilt-is taneggarut , nezmer ad d-nini tudert-is yefka-tt akk deg umaṭṭaf wis sin d netta i aɣ-yezzuzunen zik ad tceɛleḍ radyu uqbel ad tegneḍ ad as-tselleḍ i wawal-is aḥlawan dayen yesewhamen deg wanec-ten nni yellan deg wallaɣ-is isefra-s sɛan anamek cebḥen mi ara ten-id-yeqqar ad ak-yawi wallaɣ-ik mbeɛid , ayen iɣef teseqsaḍ ad ak-id –yerr yerna mačči d win yettzuxun , yettara iman-is d menwala kan ,yettɛaddi ɣer tseddawiyin , yettak tamussni-s i yiseddawiyin d yiselmaden , iḥemmel amezruy-nneɣ, yenna-d deg wawal-is win ur nessin ara amezruy n tmurt-is mačči d amdan , aṭas ur neẓri ara belli Belḥanafi yugi ad yeqbel ad yettxelliṣ idrimen n yimğuhad, ur t-yeffiɣ ara leɛqel ɣef udrim, ayen d-nenna fell-as drus yedder ɣef tmussni yemmut ɣef tmussni ass n 04 deg meɣres aseggas n 2012 ad fell-as yeɛfu Rebbi, tajmilt tettuɣalas ama deg uxxam n yidles n Mulud At Mɛemmer , ama deg wat wasif, At Yanni, Bgayet , deg umaṭṭaf wis sin ….mačči d amdan i zemren ad ttun lɣaci.
Zakia yahia