Aseggas –a teffi tala mellulen , bdan yimdanen ttruḥun ɣer dinna , tala mellulen tezga-d deg wat Dawed d-yezgan deg yiɛeṭṭafen , taɣiwant n wat yanni , teqreb ɣer taddart n At Mislayen n Uqbil , aman n tala –agi d izeqqalen lhan i waṭṭanen am rumatiz , timmas , d waṭṭanen niḍen , d ddwa , ttasen-d seg yal tama , tettwasen seg zzman aqbur , sin wussan-agi kan ideg i teffi , yal aseggas tettefi taggara n meɣres d yebrir , win ara d-yasen ilaq ad d-yawi yid-s timellalin tuftiyin ad tent-yečč dinna wa ad yedɛu s lxir , ilaq ad d-yas kraḍ n tikkal , tala agi n yiwet n twacult At ččiɣa n tzaɣart taddart rrif n wat Dawed ,aman-is tzemreḍ ad tcucfeḍ yis-sen imi ḥman , meliḥit , ɣas d tala tamecṭuḥt aman nejren tiregwa , mi ara truḥed ad tawḍeḍ ɣer dinna ad taliḍ yiwet n tsawent ɣef yiwen uẓru d aḥlawan d amellal fellas leḥḥun waman n tala –agi ,imdanen ttfarasen xeddmen-d tugniwin imi ccbaḥa n umkan agi d ayen izaden , acḥal i yebɣan ad aɣen amkan-a maca At ččiɣa ur qbilen ara aya ǧǧan-tt i yimuḍan ad dawin s waman n tala –agi, yerna limer ad yemmet yiwen seg twacult agi n At ččiɣa ur tetteffi ara tettɣar, d tagi i tala mellulen yesɛan aman d ddwa.
Zakia Ben yahia