Ǧamal d Ǧamila ɣran akken deg uɣerbaz amezwaru armi d tasnawit. Ǧamal yeḥrec aṭas deg leqraya maca yecmet deg ṣṣifa. Ǧamila teqreṣ deg leqraya maca tezyen dayen kan . Ǧamal iḥemmel Ǧamila axaṭer tezyen aṭas.Ǧamila tekreh Ǧamal axaṭer yecmet aṭas. yiwen wass, yenn-as Ǧamal: “Nekk drewceɣ fell-am a tuzyint.Disem-im i d awalim.Bɣiɣ ad zewǧeɣ yid-m akken ad ffɣen warraw-nneɣ d uzyinin am kemm, d uḥricen am nekk”. Terra-as Ǧamila: “Ma te-ddrewceḍ, ruḥ ad t-ruḥeḍ s axxam n yimehbal ma d igerdan zemren ad d-ffɣen d ucmiten am kečč yerna d iɛeggunen am nekk.» Asmi sɛeddan akayad n l BAK, Ǧamal yezger ɣer tesdawit gar yimezwura ma d Ǧamila tuɣal s axxam. Zrin yiseggasen, Ǧamal yeffeɣ-d damejjay n wulawen (Cardiologue). Yiwen wass, Ǧamila tesɛa uguren n tdawsa deg wul-is. Truḥ ɣer umejjay d Ǧamal i ixeddmen di temnaḍt-nni n at wuccen. Imi itt-wala Ǧamal, yuɣal-d lehlak-is n tayri d amaynut. Ǧamila ilaq-as ucerrig (l’opération). Yekkes-d ul-is iduwat, yerra-t s amkan-is, yura fell-as “I Love you” Yenna-as Ǧamal: “Ilaq ad, tuɣaleḍ aggur id-iteddun akken ad waliɣ ma teḥliḍ akken iwata.” Yezri waggur, tuɣal-d Ǧamila. “Azul fell-am a Ǧamila ! Teḥliḍ mliḥ neɣ ala ?” “Azul fell-ak a ṭṭbib ! Ḥliɣ maca tikwal ttḥulfuɣ amzun akken yettmeslay-d yid-i wul_iw maca ur fhimeɣ ara d acu id-yeqqar.” “S wacu tutlayt id-yettmeslay?” “Cukteɣ s tegnizit” “Twalaḍ a Ǧamila, lukan i teɣriḍ tagnizit tili i tfehmeḍ d acu i yebɣa wul-im! Cfiɣ asmi i neqqar deg uɣerbaz alemmas. Mass. Ḥemmar yettawi-d tamsirt, kemm tettmuquleḍ udem-im deg lemri ddaw n tdabut.” «I kečč d acu i tettmuquleḍ?” “Nekk ttmuquleɣ lemri deg udem-im. Uɣal-d aggur niḍen, ad waliɣ ma teḥliḍ. Maca, abrid-a, sell mliḥ i ṣṣut-nni, amer ahat d ṣṣut n wul-iw imi tesliḍ mačči d ṣṣut n wul-im.” “Iwqet akka i tuɣaleḍ d amedyaz? Qqim kan d amejjay, ad tnefɛeḍ meqqar timetti, ad tdawiḍ meqqar timetti , ad t dawiḍ imdanen.” “Akka a Ǧamila, ad dawiɣ ulawen n yimdanen ma d nekk ulac win ara idawin ul-iw.” “Aɛni ula d kečč thelkeḍ ? Dawi imani-ik neɣ teḍra yid-k am uḥeddad nni ur nesɛi tafrut?.” “Kellex kan ɣef wul-iw a Ǧamila! Acḥal n yiseggasen aya akka i txeddmeḍ!” “Ruḥ ad twaliḍ amejjay niḍen!” “Ul-iw yebḍa d iceqfan, ur yelli umejjay i izemren at idawi !”.
HEMMAR BUSSAƐD