D tikkelt tis snat aya i d-tuwi tdukkla iqeddcen ilmend n yimuḍan n tgeẓẓal deg Tizi Wezzu, asarag deg uxxam n yidles Mulud At Mɛemmer ass n ahad 04 deg mayyu 2016 , akken ad ẓren yakk yimdanen belli tikci n tegẓelt seg umdan yeddren , neɣ s tfekka n win ixeddmen tawaɣit maci d ayen yellan d lmuḥal imi ilaq ad kksen axemmem-nni n diri , bɣan ad d-segzun i lɣaci a,leqqem n tegẓelt seg umdan ɣer wayeḍ ur yeḥwaǧ ara lxuf wala akukru imi imejjayen-agi d –yemmeslayen ama d mass Belɛasla, ama D Badawi d wiyaḍ, nnan-d ur ttagadet ara aqlaɣ ilmend –nwen ! , llan wid yeḥlan nduwa-ten ur d-yelli kra n wugur , yerna win ur neẓri ara d acu ara yexdem ad iruḥ ɣer tdukkla –agi ad as-mlen d acu ara yexdem sani ad iruḥ , ula d win ur nesɛi ara adrim swayes ara idawi, ad t-ɛiwnen imi aselway n tɣiwant n Tizi Wezzu mass Mangellat yefka-d tadrimt i wigi yuḍnen, yella-d uskasi dinna deg uxxam n yidles ,rran-d imejjayen-agi ɣef yisteqsiyen ama n yimuḍan teɛna temsalt ama d wid iduwan ɣer-sen neɣ ara idawin ɣer-sen ɣas akken llan kra n yimuḍan yesḥasfen aṭas imi ula d imawlan-nsen neɣ atmaten-nsen kukran akken ad asen-fken tigẓelt, ɣef waya tadukkli –agi tekkat akken ad tqenneɛ imdanen , ad fken tigẓelt, neɣ xersum wid ixedmen kra n twaɣit ad mmten ad fersen tagnit akken ad asen-d-kksen tigẓẓal-nsen ,imi win yemmuten yemmut meqqar ad d-ḥyun win i tent-yeḥwaǧen, akka tidukkla –agi tekkat akken ad nuɣal am tmura n lberrani anida ur yelli ara yakk n wugur-agi n tikci d uzraɛ n tegẓelt, yerna aqerru n tdukkla –agi d win ijerben aṭṭan-agi ɣer taggra yeḥla ,ɣef akken iqarren win ijerben ara testeqsiḍ uqbel amejjay.
Zakia Ben yahia