Ssuturen imezdaɣ n temnadt izegnun yetabaɛen ɣer tɣiwant n ɛjiba di ladayra n berclul deg usamar lwilaya n tubiret seg yimḍebren ama n tɣiwant neɣ ladayra ad d-rren lwelha nsen ɣer yimezdaɣ yenḥafen si yal tama umbaɛd mi ttidiren akka tura di tegnatin qessiḥen ala si leɣyab n wallalen n tudert i yerran tudert nsen akk imi tuɣal temɛict ɣur-sen rẓaget am ililli . Ɛlaḥsab imezdaɣa-a d akken tamnadt-a d taẓawalit tettwaɛzel si zik yerra mazal tettwaɛzel ar tura acku ulac tadrimt yettwaxesen i yiṣenfaren unegmu i lfayda n tama-agi ara yesifsen taɛkumt ɣef yizugar nsen , Ma yella seg wayen ssuturen neɣ iɣublan iten-yesmagaren aman tisit imi ufand iman nsen yesefk fell-asen iwakken ad sxeddmen allalen nsen iwakken ad d-nadin tiqit n waman neɣ ad d-aɣen tiṣitirin n waman ama seg umkan nniḍen neɣ s suma ufan meḥsub ɣlayet ulac ddaw n 1000 idinaren dayen yeǧǧan leǧyub nsen ferɣen . Četkayen daɣen imezdaɣ ɣef uɛeṭṭel uṣiweḍ lgaz n temdint s ixxamen nsen ayagi yettuɣal dayen n diri ɣef tudert n yal ladɣa di tallit n cetwa snadin anda ara afen taqerɛet lgaz ad seḥmun imi d asafar iseqdacen s waṭas deg ussan n tegrest , Rnu ɣer yiɣublan nsen ssuturen s trisiti n yiberdan acku tamnadt izagnun tettwasen s weɛzal d ṭṭlam ɣef waya iɣellid lxuf ɣef yimezdaɣ ladɣa di cetwa , d annect-agi n yiɣublan i yerran tudert n twaculin izagnun ttidirent di lḥif d lmeḥna , ɣef waya ssuturent seg yimḍebren ad d-yiḥnin wul nsen iwakken ad d-rren tamuɣli nsen ɣer temnadt-a s tifrat iɣublan s lɛejlan xersum ad d-yecraq yitij ɣef yimezdaɣ ad as-ḥisen s telwit d tudert taẓidant .
A.M