Aman d lgaz d ubrid d assuter n taddart di cerfa
Begnend imezdaɣ n taddart yetabaɛen ɣer tɣiwant n cerfa deg usamar lwilaya n tubiret lɣid nsen ɣef liḥala ideg ttidiren i mazal ar ass-a d wussan tenɣaten lmizirya seg yiɣublan d tugnatin qessiḥen di tmeddurt nsen ala si tsertit useɛzel d leɣyab iṣenfaren unegmu di taddart-agi yerwan iɣilifen ḥaca si lexsas n wallalen ilaqen di tudert n umdan , ɛlaḥsab imezdaɣ maci d tikelt i četkayen i yimḍebren teɛna temsalt iwakken ad d-afen tifrat i yiɣublan-a am wayen yeɛnan lgaz n temddint d useggem n yiberdan yettawin ɣer tama-a imi reglen xesren akk ala seg akal d yixejḍan n waman acḥal iseggasen-aya werɛad iten-xeddmen ladɣa di tallit n cetwa ciṭ ugeffur kan iberdan akk ad uɣallen di ḥemmalen n waman meḥsub iberdan ttazalen akk d aman ur tezmired ara tɛeddid seg-s am wakken deg unebdu iberdan ttuɣalen akk d aɣubbar , Si tama nniḍen ssuturen s uṣenfar lgaz n temddint ara sen-yeksen leɛtab ɣef unadi teqraɛtin lgaz ideg rwan lmerta ma d-afen neɣ ala imi aɣbel-a yerraten ttidiren di cedda taberkant, Rnu s annect-a ttrajun imezdaɣ tifrat n tisit n waman acku ur sɛin ara lɣella-agi yal ass dayen yeǧǧan tuget n twaculin ttwaḥerment seg usafar-a acḥal d iseggasen iɛeddan mazal ur yefri ara ugur-a anda ssuturen daɣen trisiti iberdan iɣaben ɣef temnadt-agi sin iseggasen mebla trisiti iberdan ɣef waya ufand iman nsen di ṭṭlam meḥsub iɣellid lxuf ɣef yimezdaɣ ama fell-asen neɣ ɣef cci nsen . Iɣublan-agi ǧǧan imezdaɣ aṭas n tikwal xeddmen timesbaniyin zdat lemqar n tɣiwant akken ad d-rren yimḍebren i teɣri nsen d tifrat n yiɣublan s lɛejlan .
Aṣenfar useggem n ubrid deg icyaḥen di beclul
D asirem meqqren id -yuɣalen i yimezdaɣ temnadt icyaḥen id-yussan di tɣiwant n beclul deg usamar n tubiret umbaɛd mi d-sfayden seg uṣenfar ara iseggmen abrid yettruḥen ɣer taddart-a xersum ad yekkes aɛzal ideg ttidiren acḥal d iseggasen-aya nutni četkayen amek ara ɛeddin seg-s dayen yesefraḥen aṭas n twaculin icyaḥen . aṣenfar-a ad yekcem deg ahil unegmu id-sfayed yes tɣiwant s useggem n yiberdan d uɛawed trisiti iberdan , lecɣal bdan di tazwara n waggur-agi ideg i nella di mayyu d win ara yeṭṭfen azal n sin wayyuren , si tama nniḍen d aṣenfar ara yesneqsen aɛzal i waṭas n temnaḍin am temnadt n at ɛenbub id-yesfayden s uggem n ubrid yettawin ɣer tɣiwant n beclul akk d leddi n ubrid gar temnadt criɛa d timnaḍin tiyaḍ , dayen yelhan imi tuget n tamiwin di tɣiwant n beclul sfaydent s uṣenfar useggem iberdan .
…..D usiweḍ lgaz n temddint i 400 twaculin
Sfaydent azal 400 twaculin deg iceyaḥen di beclul s usiweḍ lgaz n temddint s ixxamen nsen imi d aṣenfar ara ten-yeǧǧen ad yessali uɣbel tqerɛtin lgaz ɣef yizugar nsen d unadi ɣef tqerɛt lgaz , acku acḥal merra asafar-agi yerra tudert n twaculin di lḥif d uxemmem fell-as ladɣa deg ussan n tegrest imi d asafar iseqdacen s waṭas di lḥuman. asiweḍ uṣenfar lgaz n temddint ɣer temnadt icyaḥen lland ɣef uqerruy imḍebren lwilaya n tubiret ilmend ass aɣenaw n tedyanin id -yettasen di 08 mayyu yal aseggas id-yesfayden seg-s 400 twaculin ikecmen deg ahil 2010/2014 seg uḥric wis sin n usiweḍ lgaz n temddint , am wakken yetturaju asiweḍ usafar-a i 6000 twaculin deg aggur n september id -i teddun seg yiṣenfaren nniḍen ara yillin sya ɣer zdat deg waṭas n temnaḍin di lwilaya n tubiret dayen ara yeǧǧen ad yawweḍ uṣenfar lgaz di lwilaya ɣer waṭas n tudrin meḥsub ad yesenqes iɣublan ɣef yimezdaɣ d wuguren i tt-magaren di tudert nsen ɣef usafar-agi agejdan .
Iṣenfaren unegmu ḥebsen di taddart leqraric
Mazal tiwaculin yettidiren di temnadt leqraric yetabaɛen ɣer tɣiwant lqadiriya id-yezgan deg umalu lwilaya n tubiret ttidirent di cedda d ṭṭiq anda ɣaben deg-s aṭas n wallalen n tudert imi d yiwet n temnadt seg temnaḍin tiẓawaliyin i yerran tameddurt n yimezdaɣ-a beriket ḥaca seg yiɣublan d wuguren iten-yeṭṭafaren yal ass , am wayen yeɛnan abrid yettawin ɣer taddart-a acku yerra-tt tettwaɛzel ur tezmired ara ad tɛeddid seg-s imi yexsar ladɣa ma yella cwiya kan ugeffur ad yuɣal d iḥemmalen n waman d ayen yerran deg useɛzel n temnadt leqraric yerna ɣaben wallalen usiweḍ meḥsub dayen i yernan di teɛkumt n twaculin-a axaṭar ttruḥun ɣef uḍar azal n 7 ikilumiṭren , rnu ɣer wuguren i yeǧǧan ur tenerna ara tama-agi am wayen icudden ɣef tfellaḥt ḥaca si leɣyab lgaz n temddint imi d asafar agejdan isexddamen di lawan n cetwa ɣef waya ssuturen imezdaɣ n temnadt-a s lɛejlan s usiweḍ lgaz n temddint , četkayen daɣen si leɣyab n tzeqqa n tujya acku yesefk fell-asen ad ruḥen ɣer temnaḍin nniḍen neɣ tɣiwant nsen iwakken ad d-awin amuḍin ,si tama nniḍen ssuturen asizdeg n twenadt imi tettfuḥu dayen yettuɣalen d lehlak ɣef yimezdaɣ d acu kan iɣublan mazal ur ḥbisen ara kan da am wayen yeɛnan tazeqqa n waddal yemgaraden anda ilmeẓyen n tama-agi ulac d acu ara xeddmen di lawan neɣ deg ussan usteɛfu am wakken četkayen si ticcumart acku ulac axeddim ɣef wannect-a ttnernin iɣublan ɣef yizugar nsen rnu ɣur-s tɣab trisiti iberdan , ayagi akk d taɛkumt ɣef twaculin d acu kan ssaramen seg yimḍebren ad asen -fken iṣenfaren unegmu xersum ad xeddmen tafellaḥt ad teḍwu tafat ɣef twaculin ad tṛessi lehna d telwit di temnadt .
Abdelhak Menas