“Coluche : politique et comique’’ d adlis wis 3 n Dr Nasserdine AIT OUALI. Uqbel adlis-a, yella-d, yakan, deg lmendad i udlis ‘’De la pédagogie de projet et de l’enseignement de la langue amazighe en Kabylie’’ i d-yeffɣen deg useggas n 2013 ɣer tezrigin L’ODYSSEE, am wakken yura adlis-nniḍen ‘’L’écriture romanesque kabyle d’expression berbère (1946-2014) i d-yeffɣen deg useggas 2015. Adlis n tikkelt-a n Dr AIT OUALI, yewwi-d awal ɣef yiwen n wudem mechuren nezzeh deg tmurt n Fransa, ladɣa, deg uḥric-agi n unecreḥ d teḍṣa, wagi d Coluche. Deg tazwara, tella-d tira n udlis-a d asentel n Ductura n Mass Ait Ouali, syin yerra anadi-agi-ines d adlis ɣef Coluche. Aṭas n yiḥricen deg tmeddurt n Coluche iwumi yekkes umeskar takka, aṭas n tmussniwin ɣef tmuɣli-ines ara d-rnun fell-as wid-nni akken yenwan ssnen Coluche akken ilaq. Seg «Les Restos du cœur» alamma d tifranin n tselwayt n tegduda n 1981, ad teẓrem Coluche akken werǧin i t-teẓram. Deg ssinima neɣ deg tmezgunt, ɣef tsertit neɣ ɣef yimḍebbren, awi-d kan ad d-yeg asentel i tmuɣli-s s teḍṣa. Yedder d ilelli, yenna-d ayen yebɣa ad d-yini. Ha-tt-an tmuɣli-s ɣef tlelli. ‘’Vous voyez, c’est ça la liberté en France : on a rigoureusement le droit de dire ce qu’on veut. Et le gouvernement a rigoureusement le droit de faire ce qu’il veut’’. Adlis yeffeɣ-d ɣer tezrigin L’ODYSSEE, 2016, 288 n yisebtar, azal-is 600 idinaren.
H. Moula