Yuzzel ussan-a ineggura wawal ɣef tisin ɣer terbaɛt n yilmeẓyen n Leqbayel yiwen seg yimyurar n Tadjenant. Wagi d amḥaddi Ali Guitoune I yebɣa uselway Hannachi ad d-yawi iwakken ad yessejhed ugar tamḥaddit n terbaɛt-is. Ɣas akka amḥaddi n DRBT d win yebɣan ad d-yass ɣer Tizi, maca yiwen n uɛewwiq n tesriḥ-is ur t-yeǧǧi ara ad tt-yegzem dir ray akken I yebɣa. Ɣef leḥsab n yisallen I aɣ-d-yewwḍen, Ali Guitoune yessuter seg uselway Hannachi iwakken ad yaɣ ayen iwumi neqqar tabrat n ttriḥ. Amyurar, yenna dakken “ma yella dɣa yella-d waya, s lferḥ d ameqqran ara yurar di terbaɛt mucaɛen di ama di tmurt ama di Tefriqt”. Seg tama nniḍen, ilaq ad d-nesmekti dakken asleɣmay Kamal Mouassa d netta ara ikemmlen di terbeɛt-a I useggas I d-iteddun imi d yiwen n usleɣmay I d-yessukksen JSK seg tlaqa n uɣelluy s aḥric wis sin, yerna yessuli-tt-id s amḍiq ur yerǧi ula yiwen. D ayen yeǧǧan Hannachi yerra deg-s yiwet n teflest mebla aɣbel.
Radia B.