Tanelmadt Moussaoui Melissa, n uɣerbaz alemmas Akli Amar n tɣiwant n Wizgan, tufrar-d deg umḍiq amezwaru di lwilaya n Tizi-WUzzu deg ukayad n uswir wis sin B.E.M s ugemmaḍ 18,93 di leɛmer-is 14 n yiseggasen. Tanelmadt Melissa, d yelli-s n taddart n At-ɛica taɣiwant n At-Yeǧǧar. Tlul ass n 23 yulyu 2002, aswir-is amezwaru telmed-it deg uɣerbaz amezwaru Buda Muḥend Saɛid n temdint n Wizgan, syin tuli ɣer uswir wis sin, telmed deg uɣerbaz alemmas Akli Amar n temdint n Wizgan. Dɣa tanelmad-agi Melissa Moussaoui, tfures aṭas tagnit ɣer imawlan-is deg ulmud-is, imi nutni d iselmaden di sin deg uswir wis sin. Melissa tessaram akken ad tkemmel amecwar-is yelhan deg ulmud, akken ad d-teffeɣ d tamejjayt. Syin terra tajmilt meqqren ama imawlan-is, ama i yiselmaden-is i ibedden aṭas ɣer yidis-is, u dayen I tt-yeṣṣawḍen texdem agemmaḍ-agi yelhan u tḥar-d amḍiq amenzu. I usmekti kan, uletma-s n Melissa, Dihya Moussaoui tḥella-d amḍiq amezwaru di lwilaya n Tizi Uzzu deg ukayad n B.E.M deg useggas n 2002, s ugemmaḍ 18,39.Nesaram-as i Melissa afud igerrzen di leqraya-s d umecwar yelhan di tudert-is, imi leqraya d tafat n ddunit.
Islam Bessaci