Yiwet n tikkelt, yiwen umerkanti n Tgemmut Ukerruc, yewwi-d tameṭṭut i mmi-s seg At Aysi. Mi d-uɣalen, ɛeddan-d si Larebεa, rsen-d seg yiserdyan, kecmen ɣer yiwet n lqahwa, ixeddem-itt yiwen n At Ḥed Waɛmar seg taddart Ufella. Sswan lqahwa, ruḥen ur xliṣen ara. Syin Awmar Muḥed Waɛmar iwwi asefru fell-asen :
Taddart iznuzun iẓerman
I teḥsiḍ ad iyi-fken(…) Rret-as lfarḥ d ineẓman
I Muḥed u RemḍanD ccɣel-is i ixesren
Xas qqed-iyi s yimegran I asen-yerran ccan
I yat tḥeṣṣabt n tɣeṭṭen Ḥaren-d amzun d lfursan
Nɣil d At MeqqranAsmi llan di zik-nsen
Ula d Muḥed d aṭeḥḥan Yid-s i d-ddan
Rran-t d udi gar-asen A sserbayaɣ di lkisan
Amzun d lbizan D dduxan la ttkeyyifen
Asmi yewweḍ wawal ɣer Tgemmut Ukerruc, Akli Iḥeddaden, mmi-s n Lḥaǧ Aεli, iɣaḍ-it lḥal, iruḥ-d azekka-nni ɣer Larebea netta d Lmulud Muḥed u Lεarbi. Kecmen ɣer lqahwa-nni deg swan lqahwa iḍelli-nni Wat Tgemmut Ukerruc, mi d-wwin tislit. Isuter lqahwa. Inṭeq-d yiwen, yenna-asen: ‘’tuɣalem-d a lqahwa n Dda Awmar! Iḍelli i yewwi fell-awen asefru!’’
Yenṭṭeq Wakli iḥeddaden yenna:
‘’Di baba ara ireggemD lfeṭṭa i ixeddem
Tecbaḥ ula ṣsenɛa-s Asmi yella zzman yewqem
Aṭas i ikarrem Ččan medden nneɛma-s
I Sumar d acu d-ixdem Tagenza n lhem
Ur yeḥyi ula d dderya-s
Dɣa Lḥaǧ u Caban n At Amran si Tgemmut Ukerruc yewwi-as-d cwiṭ n lwaɛda, yenna-as : ‘’d ayen, ur d-rennu ara! Kečč tenniḍ-d iḍelli, netta yenna-d ass-agi. Wellah ma tɛewed-as!
Ramdane Lasheb