Ttlata, 28 yunyu. Yerwi-tt Zedek deg Wat Wagennun. D tajmilt i bab n wawal-a‘’Si Tqubɛin ɣer Wat Ziki, idles-nneɣ d anagi…’’. Meqqar netta iḥewwes ɣer Boudjima, wamag timerrit terwi deg tmurt n leqbayel ɣef wakken i d-yenna unemhal-is n Tizi Uzzu. Xas aḥewwes yelha, lemḥadra, diɣ, telha. Akken kan yebda lebḥar, yečča sin yimdanen.
Larebɛa, 29 yunyu. Alaṭif, temmut daɣen yiwet n temnifrit deg ‘’la clinique’’ Sbihi. Ma d ’’aman llan, meɛna yewɛer usiweḍ -nsen ɣer yixxamen imi xussen ttawilat akked yixaddamen. ’’ Akka i aɣ-d-yenna unemhal n ADE n temdint n Tizi Uzzu. Ula d aselway n Useqqamu aɣerfan n lwilaya n Tizi Uzzu, yemmeslay-d ɣef wugur-agi deg yiwen udewenni. Mačči am uselway n tɣiwant n Guerrouma n lwilaya n Tubiret i staxren imi yeḥkem fell-as ccreɛ s sin n yiseggasen n lḥebs. D asmekti n Slimane Amirat akked Boudiaf.
Lexmis, 30 deg yunyu. Teffud Tizi Uzzu. Nnejmaɛen i wakken ad as-d-afen, ahat, tifrat imi ala yiwen ɣef tlata i yettxellisen tafaturt-is. Ad neqqim kan daxel n waman imi tura tzemreḍ ad truḥeḍ ɣef lbabur seg Bgayet alamma d Marseille. Ula d Ali Amrane yusa-d ɣer uxxam n yidles Mulud Mɛemmri. Yerwi-tt am leɛwayed-is. Ma d asleɣmay ajdid n yerbaɛt taɣelnawt n Lezzayer, la d-yeqqar d akken yumen s’’Mondial’’ i d-iteddun.
Ssebt, 02 deg yulyu. 3 n yimdanen i yenɣan iman-nsen deg waggur-agi n remḍan deg tama-agi n yiɛeẓẓugen. Yiwet d taqcict ur neqbil ara lehlak-is imi i as-nnan ma ur temmuteḍ, ad tedreɣleḍ. Ass-a i ikemmel ukayad-nni n 20% n uselmed i d-yewwin tira. D thara n yigerdan deg yal tama, seg Souk El-tenine ar Chemini, ladɣa, ass-a n 27 deg remḍan.