Ass-nni n 27 yulyu 2016, ɣef tesɛa n yiḍ, yiwen ugraw n yinelmaden n uɣerbaz alemmas Lɛerbi At Ɛmer ɛawzen I wakken ad lemden kra si tussna n tasnaggurt (Astronomie) asentel-ines « Itran n yid ». Leqdic usnan iwumi stebɛen tira n tenfalit s tmaziɣt ɣef temlilit-agi-nsen. Leqdic-agi, iḍra-d s tallelt n uɣerbaz Lɛerbi At ɛmer n At Yanni akked tiddukla n tussna « Ilmeẓyen n Tmussni » n Tizi Uzzu d ufus i d-terna tnemhalt n yilmeẓyen d waddal n Tizi Uzzu. Llan deg leqdic-agi 23 n yinelmaden. Lḥan seg uɣerbaz alemmas armi d taddart n Tewrirt Mimun nutni d Mass Ɛadel Arezqi d umusnaw Mass Buɛlam Ḥaǧer i wakken ad ẓren s tiṭ yeṭṭurcen leṣnaf d yismawen n yitran iččuren igenni. Tamsirt-nsen ɣef tesnaggurt, tebda ɣef tẓa d uzgen n yiḍ (21h30). Mass Ḥaǧer issefhem-asen-d aṭas n tɣawsiwin ɣef umeɣrad (univers), irra-d ɣef yakk isteqsiyen n yinelmaden. Walan agensatriw (planète) Saturne s wallal Télescope i d-yesseqqraben tamuɣli. Ifreq-d Mass Ḥaǧer i yinelmaden takerḍa (la carte) n yitran i yettwaxedmen di Fransa. Tamsirt-nni tekfa ɣef ṭnac d snat tmerwin n yiḍ (00h20). Am waken i d-llant i lmendad n usuddes n temlilit-agi tnelmadin Urak Lameyya d Daḥlal Canez. Inelmaden-nni s leferḥ i kecmen s ixxamen-nsen imi lemden-d ayen din n tɣawsiwin ɣef tussna n umaɣrad.
Dahlal Chanez