Sidi Aɛli Bunab d lwali, iteddu si tama ɣer tayed, anda i t-yewwi uḍar-is, iḍda. Inuda-d akk tamurt n Leqbayel. Anda i t-yessers uɛessas, yesteɛfa. Ulac tama neɣ taddart anda ur tettafeḍ ara isem n Sidi Aeli Bunab. Anda i t-id-ufan medden istafa, ama ɣef uzru, ama ddaw teslent neɣ ddaw tzemmurt, yella umkan- nni yewi isem-is. Qqaren :
Ǧǧan-d Ccix aḥeddad
Tariqa-s tzad
D lefnaṛ deg yiḍ n ṭlam
S lexwan ihegga lmiehed
Kul yum tezha
D timeemrin deg yal amkan
Wannag Sidi Aɛli Bunab
Lwali muhab
Kul tizi ibedd lburhan
Ttqabalen medden Sidi Aeli Bunab s wannuz, ttqadaren-t nezzeh. Qqaren, ma yenna awal ssbaḥ, tameddit ad yeffeɣ. Assen, yewweḍ ɣer yiwet n taddart, tesea yiwen n ṛṛay-is isem-is Weeliya. Ɣur-s irgazen, cci akked ddreɛ uma d aḥeddad n wuzzal. Ttagaden-t medden aṭas. Akken ad d-isken lǧehd-is, skud yekkat di taggunt, yessawal : a lǧehd, a lǧehd n Weeliya! A lǧehd, a lǧehd n Weeliya!
Ass-nni, ibedd-d ɣur-s Sidi Aɛli Bunab, ikcem ɣer tḥanut n uḥeddad s udarbali. Akken yufa, yekkat tettergigi tmurt, inna-as: ‘’mačči akka ara tessawaleḍ!
Ssawal: a lǧehd, a lǧehd mulana, lǧehd d win a Rebbi.’’
Inna-as Weliya: ‘’ffeɣ-iyi akkin, acu ara tebidieeḍ akka?’’
– Inna-as Sidi Aɛli Bunab: ‘’ur d I yi-tettakkeḍ ara afḍis-nni, ad uwteɣ cwiṭ?’’
Ifka-as-t Weɛliya, dɣa yekkat, yessawal:
‘’A lǧehd, a lǧehd n Weɛliya
Lebladi yebqa xaliya
ala qayem ddenya.’’
Qqaren-d seg wassen, imezdaɣ n taddart-nni, ttinigen, ttgaǧǧan anda-nniḍen alammi tuɣal taddart-nni d amadaɣ, d ayla n beylek, trab taddart i lebda.
Ramdane LASHEB