Ger tayest d usenyif d ammud n yisefra i d-yessufeɣ Mass Fellag Said, deg useggas 2015, ɣer tezrigin El Amel. Ammud n yisefra-a, yerra-t-id Mass Anaris Arezki ɣer tutlayt tafransist. Adlis-a, deg-s 25 n yisefra i d-yewwin awal ɣef temsal n tudert s umata : tayri, timetti, uguren, tasertit akken-nniḍen…atg. Adlis, ad d-as d afessas ula ɣef win ur nessin ad iɣer mliḥ tytlayt taqbaylit imi yal asefru ad t-id-iqabel usuɣel-is s trumit. Isefra-a, kkan-d seg wuguren i d-yessekren Mass Fellag deg temnaḍt-agi n Uẓeffun. Yessuffeɣ-d, yakan, ammud amezwaru n yisefra ‘’Zrureq’’, deg useggas n 2012.
Ger tayest d usenyif n Said Fellag
