Deg ussan-agi i d-yeffeɣ wungal amaynut n tmarut d tneggalt Lynda Koudache iwumi tefka azwel “Tamacahut taneggarut ”. Yeffeɣ-d wungal-a ɣer tezrigin Routnahcom. Tzemrem seg tura d asawen ad t-tafem deg tnedlist n « Chikh « (multi_livres ), deg tlemmast n temdint n Tizi Uzzu. D ungal ara yesnernin tasekla tamaziɣt d win ara d-yawin abaɣur i tutlayt-nneɣ tamaziɣt. Ad d-nesmekti kan belli, d nettat i d tameṭṭut tamezwarut i yuran ungal s tmaziɣt deg tmurt n Lezzayer. D adlis wis sin n tmeṭṭut tamezwarut yuran s tezwawt ungal. S wungal-agi-ines wis sin, tenğer-d i yiman-is abrid ara yessalin tamaziɣt s aswir n tutlayin tinezmarin n umaḍal. Tanemmirt i tmeskart. Taɣuri igerrzen i yimeɣriyen!
A. A.