Azal n umalas (ddurt) aya, tiftisin n Uẓeffun uɣalen-t d lwelha i waṭas : ama d wid i tt-izedɣen neɣ d inebgawen ansi-nniḍen, xas akken tallit n tucfa tfuk. Maca tikkel-a, d agemmer i asen-yessawlen, degmi i yuzzel wawal ɣef tuffɣa n yiselman n n waynanaz ( la daurade ), anda akken i ten-ttrebbin. Iselman-a, rran-d ula i umeẓyan d umeqqran, akken ad ten-id-gemren, ama d win yessnen neɣ d ubujad d imeré anwa ara yeṭṭfen tagnit, anwa ara d- yessalin ugar n wayeḍ. Uɣalen medden akk d inegmaren, ssawḍen kra ǧǧan lecɣal-nsen,ha-ten-an ẓẓan din am wass am yiḍ. Dinna i ttnussun, ur d-cqin i kra gar wallen-nsen ala aslem n waynanaz. Dɣa, ula deg Lezzayer tamanaɣt, Bgayet, usan-d ula d nutni ad awin amur-nsen. Acku aslem-a s wazal-is, d ayen ara asen-yeččaren iẓewaḍen-nsen, aṭas i aɣ-d-yennan, deg wass tteffɣen almi d 5 n yimelyan neɣ ugar. Ma d wiyaḍ, ddan akken ddan waman, daya. Nessaram akken imerẓi-a ad yili yal ass, mačči kan deg yiri n yilel, di tlemmast, meqqar ahat ad yader wazal n yiselman di tmurt-nneɣ, ad t-nečč, ur t-nettargu ara.
Tamsaout Tarik