Aɛmer Awma seg taddart n At Buɛli r Yiwet n tikkelt, issekra Aɛmer Awmer aserdun-is i yiwen ad yawi tislit s At Ḥelli. Netta, iḍḥa-d ur as-fkin ara lekra. Iwweḍ alammi d talemmast n ubrid indeh i userdun ibedd, yenna-asen ar da d-ters teslit-a. Nnan-as wid-nni, ar naweḍ s axxam, ad ak-n-nefk lekra userdun. Yenna-as Aɛmer Awmer: “ A ḥeq wihin d wihin ar da d-ters teslit-a!” Alammi i as-ten-id fkan i s-isseraḥ i userdun. Yenna-as :
Yamina n Ḥsen teččaḥ
Yewwi-tt unefraḥ
Issers-itt ddaw At Ḥelli
Issers-itt ddaw inijel
Qebḍen-as lajel
Ikkes-as akk lesdaq-nni
Iggul Si Aɛmer Awmer
Ass-a d axeṣṣar
Lekra n userdun ad d-teɣli.
Ramdane Lasheb