Tenna-d tneɣlaft n usegmi aɣelnaw Massa Noria Benghebrit, deg yiwet n tedwilt deg tiliẓri, d akken: akayad-agi n taggara n uswir amenzu (5ème A.P) n useggas aɣurbiz 2016/2017, ad t-sεeddin yinelmaden deg yiɣerbazen-nsen. Deg wawal-is tenna-d, daɣen, d ayen negzem-itt deg rray, d akken akayad-a ad t-sεeddin am useggas iεeddan deg yiɣerbazen anida qqaren, mebla ma rzan ɣer yiɣerbazenn-niḍen. Anect-gai, i wakken ur d-ttmagaren ara uguren i d-ttemlilin yal aseggas yinelmaden, gar-asen: ugur n laman, ugur n usiweḍ akked win n lweqt… Tenna-d, daɣen, belli tansa-nni tunsibt n umaris (ddiwan) aɣelnaw n yikayaden d temsizzliyin, ha-ta-n yelli tiwwura-s ass-nni n 16deg tuber 2016 alamma d 16 deg unbir2016. I wakken ad izmiren akk ad jerrden iman-nsen deg unuɣen n usεeddi. Ma deg wass 20 deg maggu 2017 d asawen, zemren akk yinelmden ad d-jebden tiseɣrayin-nsen (convocation) n usεeddi. Ma seg 15 di yennayer 2017 alamma d 15 di furar, ad tili tensa-a telli yakan i wakken ad tḥeqqen ma yella inelmaden-agi jerrden iman-nsen neɣ ala. Yerna ad seɣtin tucḍiwin ma llant deg yisallen i yuran daxel n tansa-a.
Adaoun Abdelghani