Tiwaɣiyin n yiberdan d uṭṭun yesexlaεen: Azal n 3000 I yemmuten ar tura. Ugar n 3000 n yimedanen i yemmuten seg tazwara n useggas-agi n 2016, deg laksidat n yiberdan; i mazal ar ass-a la ttawint tirwiḥin n medden. Ihi alaḥsab n yisalen ineggura i d-yuwḍen ddurt iεeddan, seg tenmehla tamatut taɣelnawt n laman (DGSN), d akken jerden deg wakal akk n tmurt, ugar n 22900 n laksidat n yiberdan d wazal n 3164 n lmuta, d 35952 n yimejraḥ. Tenna-d daɣen deg wulɣu-nni i d-tefka ussan iεeddan, d akken yella-d unqqas s lqidar n 17,10% deg twaɣiyin n yiberdan, d 12% deg widak yettmettaten, d 20% deg yimejraḥ. Mi ara nettwali uṭṭunen yecban wigi d ayen yesexlaεen aṭas, imi yal aseggas d lluluf n terwiḥin i itett wakal, d imelyan n yimejraḥ, n yimeεḍar, n yigujilen…
A. Abdelghani