“Neɛya deg uraǧu !” Dɣa s wawal-a I d-usan kra n yimezdaɣ n temdint n Tubiret ɣer zdat uxxam n twilayt iwakken ad d-beggnen lɣiḍ-nsen zdat leɛḍil I d-yellan ɣef ufraq n yixxamen yettwaheggan yakan. Tasebḥit n wass l larebɛa iɛeddan, ddeqs yid-sen I d-usan, dedden iwakken ad d-jebden lwelha n yimḍebbren terza taluft. “tlatin n yiseggasen aya I ttrajuɣ melmi ara iferrej Rebbi fell-I ad sɛuɣ axxam am nekk am madden.” S waya I d-yebda awal-is yiwen n urgaz iɛeddan xemsin n yiseggasen deg leɛmer-is yessarmen dakken imḍebber amezwaru n twilayt I d-yusan melmi kan ad as-yefk leḥq-is. Imdanen-a yettidiren ɣef leḥsab n yimeslayen-nsen deg yir tignatin sbabben agellel-a I uselway n tɣiwant n Tubiret d yimḍebber n Dayra I yegguman ad tt-gezmen dir ray ad fken tisura I yimdanen yuklalen ɣas akka ixxamen wejden.
Smail. M