Ass-nni n lğemεa 02/12/2016 ɣef 10h n uzal, i tebda tezrigt tis kraḍ n wussan n umezgun, i d-yellan deg uxxam n yilmeẓyen Dib Ali deg tɣiwant n Ait Aissa Mimoun, yellan deg taddart n Ikhelouienne. Aseggas-agi, gan-tt d tajmilt i Mass Allam Said. Leqdic-a, thegga-t-id tiddukla tadelsant Itri n Uzekka n Ikhelouienne. Ma d ayen yerzan ahil yettwajerden deg leqdic-agi, yella-d ass-nni n sem 02 deg duǧember 2016, uldi s wudem unṣib n tedwilt-agi tis tlata ɣef 10h n ṣṣbah. Yella-d daɣen usenεet n waraten n tɣamsa i d-yettmeslayen ɣef umezgun d waṭas n uktuyen i d-yeğğa Mass Allam Said. Am wakken Lllant, diɣ, tfelwiyin n teklut n tiddukla-agi. Ma ɣef 14h, yella-d usenεet n yiwet n tceqquft n umezgun “Meryuma”, sɣur tarbaεt Tiliwa n Tizi Uzzu. Ma d ass-nni n sed 03 deg duǧember 2016, yella-d usenεet n kraḍ n tceqqufin n umezgun. Tamezwarut, tella-d d taceqquft n warrac “Arez d Tzizwit”, i d-tewwi terbaεt tafat n tiddukla “Itran” n Maâtkas. Ma d tis snat, tella-d ɣef 14h sɣur tarbaεt Tafejrit n tiddukla tadelsant “Ilmeẓyen n Usirem” n Ouadhia, ma ɣef 16h, yella-d usenεet n tecqquct tis kraḍ “Aḥeddad n Lqalus”, sɣur uxxam n Yilmeẓyen n Ouaguenoun. Am wakken daɣen i d-yella usenzi s ubuddu sɣur umyaru Adaoun Abdelghani, i d-ywwin adlis-is Tala n Yinzan.
Amazigh Ghani