Simmal zerrin yiseggasen , simmal yettaɣ aẓar wansay-agi n usfugel n taggara n useggas agraɣlan s tqejmeyar n cikula di tmetti nneɣ. Tin yernan ɣur-s, wid i tent-ixeddmen, tṣenniɛen, ttnewwiɛen di lesnaf-nsent,.dayen ahat i d-jebden lɣaci s watas. Dagi deg Uqbu, 20 n yiseggasen akka ɣer deffir , ad naf ala kra n twaculin kan i yettaran ddehn-nsent ɣer lbiɛ-agi n tqejmyar n cikula, i wakken ad sfuglent aseggas ajdid ladɣa tid yettidiren di temdinin, yal mi ara d-yaweḍ wass 31 di duǧember. Maca taggara –agi, izad wi izaden, yelḥeq zhir-nsent ula ɣer tudrin, almi yuɣal d amsizwer u amḥedwaq ɣer tkuwacin. Ad as-tiniḍ deg wusan-nni n Remḍan i telliḍ mi ara ad tkubrin ɣer lxubz aḥmayan lqirab n tadanin. Nessaram ula d yennayer ad yili usfugel-is s ṭṭaqa u di teswiɛin yelhan neɣ ma ulac ad yekcem di tatut.
Brahim benhamouche