Sebt-nni yezrin , Tiddukkla n yimaziɣen ABAAME i iqedcen di tama n usammer n tmurt n Fransa, thegga-d i lmend n usfugel n umenzu n yennayer n yimaziɣen useggas 2967. yiwen n leqdic d amerkanti. Tasebḥit, tella-d yiwet n terbaḥt n yiḍebbalen n tmurt n leqbayel akked timsikent n tlemẓyin s tqendyar n tlawin n temnaḍin n tmazɣa yemxalafen : Icelḥiyen, Leqbayel , Icawiyen, Imaziɣen n Waṭlas n Lmaruk..atg, yeddan di tlemmast n temdint almi d Amraḥ n Ssuq n Forbach. ’’ Iswi-nneɣ deg tmeɣra-agi , d abeggen n leɛyawed d wansayen-nneɣ, neɣ idles amaziɣ s umata i yimezḍaɣ yettidiren di temdint n Forbach, am wakken, daɣen, ara nesseɛlem tarwa-nneɣ i ilulen di tmurt n Fransa s yidles n lejdud-nsen, i wakken ad seḥbibren fell-as’’. Akka i aɣ-d-yenna Mass Ahmed Benhamouche, s yisem-is d imḍebbar di Tdukla ABAAME. Syin akkin, ikemmel leqdic s yiwet n temsikent n waṭas n tɣawsiwin ; idlisen n tmaziɣt, llebsa akked d tsawer n tudrin n tmurt n leqbayeld, tudrin n Rrif n Lmerruk d kra n yimagraden n tɣamsa yuran ɣef umezruy n yennayer. £er yiḍ, yekfa leqdic s yimensi n yennayer akked yiwet n tmeɣra n ccdaḥ d le défilé de mode i d-jemɛen tiwaculin timaziɣin akked d irumyen yettidiren di tama n usammer n fransa. S wakka, ad yeqqim wass n umenzu n yennayer d azamul n nekwa ɣer yimaziɣen deg umaḍal merra. Yennayer ameggaz i yimaziɣen anda ma llan.
B.Benhamouche