Gar-aneɣ d kra n wayyuren, neɣ ahat n yimalasen, ad tili tutlayt tazwawt deg uẓeṭṭa inmetti (réseau social) arusi VK, tama n waṭas n tutlayin n ddunit, yiwen seg yimeqqranen n yiẓeḍwan inmettiyen deg umaḍal. Tura akka, ileḥḥu akken ilaq usenfar n usuqel ɣer tutlayt n Mulud At Mɛemmer, iumu yekke ujenyur deg yinagrawen isenselkamen Muḥend Belqasem akked terbaɛt-is. Seld tasutert i yimḍebbren i urnay n tutlayt tazwawt ɣer tutlayin i inuḥen deg uẓeṭṭa-a, tuɣal-d tririt s « ih », syinna yeḍfer-it-id uqeddic. «Yesɛa waya azal d ameqqran. Ad tekcem tutlayt-nneɣ, am tutlayin-nniḍen, ɣer wanida ara tidir lebda. Kra n win i d-yekkren ad tt-id-yaf deg Internet». I aɣ-d-yenna Sliman Amiri, seg terbaɛt n usideg (localisation) azwaw. Syin, yerna-d: «ad greɣ kan tiɣri i wayetma ad sqedcen ifecka-a, i d-nerra i tutlayt-nneɣ, I wakken ad idiren». Deg tallit-a n tetiknulujit d umaḍal aliktrunan umḍin, d ayen izaden ayendin i tutlayt mi ara taf iman-is tekcem deg wanida yettwaḍmen uḥraz. Ihi, ahat mačči d taggara n Facebook i Yizwawen s tidet, maca skud ur d-yerri i tiɣri n usuqel-ines ɣer tezwawt, ha-t-an ad yesruḥ aṭas. Mačči kan deg umḍan n yimsaɣen ara ibedlen idis, wanag ula deg tdamsa-ines n yal ass.
M. K.