Yewwi Fouad Meslem tazibba n uraɣ (médaille d’or) deg talɣuɣa tagraɣlant n waddal n Karaté i d-yellan deg ussan iɛeddan deg Liverpool, tamdint n tmurt n Legliz. Ɣef wakken i aɣ-d-nnan, iruḥ ilemẓi-agi i yesɛan 29 n yiseggasen deg leɛmer-is ɣer temnaṭ n Liverpool deg tmurt n Legliz s tedrimt i d-wwin ifassen-is d wayen i as-fkan yimdukal-is. Yekcem unaddal-agi n temdint n Uẓeffun, talɣuɣa tagraɣlant n waddal Karaté (Championnat International de Karaté open) kata deg uswir ameqqran (senior). Swaya i d-ibeggen dakken win yesɛan lebɣi, ad yaweḍ sani yebɣa, ulac kra ara yilin d awezɣi. ‘’ibegden-d i umaḍal s umata dakken Aqbayli ur yezmir yiwen ad as-yerr tilist d amnaṛ’’. I aɣ-d-yenna yiwen n umezdaɣ n temdint n Uẓeffun. Ma d wayeḍ iwala dakken Fouad Meslem “ yura isem-is gar yismawen inaddalen agraɣlanen s tidi n laɛtab-is, s yiḥulfan n tgeswaḥt-is, , s ifeddixen n tizert-is. Amezruy ad as–id-ittader i tsutwin i d-itteddun, ad asen–yuɣal d anza di tmeẓẓuɣin–nsen, yal mi ara ɣlin deg yirebbi n facal, ad ten-id-yessakki’’. Tajmilt I unaddal akked terbaɛt-is USA n Uẓeffun, d wid akk i as-yefkan afud.
Kader Belaidi